06 Dhjetor 2022

Ministri Limaj vizitoi punimet e autostradës Vërmicë-Merdar

Prishtinë, 22 maj - Ministri i Transportit dhe Postë-Telekomunikacionit, Fatmir Limaj vizitoi punimet e autostradës Vërmicë-Merdar, në punishten e konzorciumit “ Bechtel & Enka”.

Pas vizitës së punishtës në të cilën janë duke punuar punëtorët dhe makineritë e këtij konzorciumi, Limaj, në fjalën e tij, fillimisht falenderoi përfaqësuesit e mediave, të cilët ishin pjesëmarrës në vizitë të këtyre punimeve dhe shtoi:

 

” Ju falenderoj shumë juve që sot jeni bashkë me ne, kjo është vizita jonë e parë pas përurimit solemn të fillimit të punimeve të autostradës, Vërmicë-Merdar, për të parë zhvillimin e punimeve të cilat janë duke u realizuar, në vendpunishten e autostradës”.

Ministri Limaj, gjithashtu theksoi se tani e tutje ne do të jemi shumë shpesh në këtë rajon, për të parë dhe përcjellë hap pas hapi, dinamikën e zhvillimit të punimeve.

“Unë kam thënë edhe në fillim që me ndërtimin e  kësaj autostrade po arrihet një punë e madhe, po realizohet ëndërra e Kosovës. Fati i madh është, që në realizimin e këtij projekti është një konzorcium i fuqishëm, konzorciumi “Bechtel & Enka”, e cila do t’a realizojë këtë projekt madhor dhe nacional” tha ministri Limaj.

Nga kjo kompani do të mbetet edhe një përvojë dhe eksperiencë e shkëlqyeshme për kompanitë kosovare, por edhe për proceset tjera ekonomike të cilat ne mund t’i shfrytëzojmë maksimalisht, për zhvillimin dhe ndërtimin e mëtutjeshëm të biznesit kosovar. Jam i bindur që njerëzit tanë dhe kompanitë tona, inxhinierët tanë do të mësojnë shumë nga eksperienca e tyre, shtoi Limaj.

Ndërsa, sa u përket zhvillimit të këtyre punimeve, ministri Limaj theksoi se këtu jemi në kilometrin e shtatë të rrugës, nga kufiri me shtetin shqiptar, punimet kanë filluar mirë, dhe ne jemi të kënaqur me ecurinë e këtyre punimeve.

Ministri Limaj pohoi se sipas organizuesit të këtyre punimeve, brenda tri javëve pritet që në çdo pjesë, në gjithë 19 kilometërshin e parë të kësaj autostrade deri në Prizren do të fillojnë punimet.

“ Ne nga ana jonë si Qeveri e Kosovës, po punojmë që t’I largojmë të gjitha pengesat e mundshme, si ato teknike dhe shpronësimet. Dua të shpreh mirënjohje për Kuvendin Komunal të Prizrenit por edhe për ndërmarrjet publike, që e kanë kuptuar seriozisht këtë projekt, dhe janë aktivizuar për të larguar të gjitha pengesat, e mundshme siç janë KEK-u, ujësjellësi, dhe të gjitha ato ndërmarrje që I vijnë në ndihmë kompanisë Bechtel&Enka ta zhvillojë punimet normalisht” theksoi kreu I MTPT-së.

Sa i përket procesit të shpronësimit të tokave, sipas ministrit Limaj, gjërat janë duke shkuar në rrugën e duhur, mendoj se afatet ligjore do të përfundojnë këtë muaj dhe përfundimisht Ministria e Financave të fillojë ekzekutimin e  vendimeve për të gjitha ato prona private të cilat janë shpronësuar. Tani për tani nuk shohim asnjë problem, në zgjerimin e punimeve edhe në pikat tjera, ashtu siç është plani të punohet në 19 kilometrat e kësaj pjese të autostradës.

Ndërsa, kur është fjal për mbikqyrjen e këtyre punimeve nga ana e zyrtarëve të MTPT-së dhe bashkëpunimit me “bechtel& Enka” Limaj tha:” Mund të ju them se sa u përket punëtorëve ministrisë sonë, ata do të jenë vazhdimisht këtu për të mbikqyrur por edhe për të ndihmuar rreth asaj nëse paraqitet ndonjë telashe, gjatë realizimit të projektit”.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)