27 Janar 2023

Lufthansa arrinë marrëveshje me sindikaten për rritjen e pagave

Berlin, 5 gusht - Kompania ajrore gjermane Lufthansa dhe sindikata Verdi kanë rënë në ujdi në negociatat për marrëveshjen kolektive që parashikon rritje të pagave për personelin tokësor.

Në deklaratën e bërë nga sindikata Verdi dhe Lufthansa, thuhet se është rënë dakord për rritje pagash me tri faza për rreth 20 mijë pjesëtarë të personelit tokësor.

Punonjësve do t’u jepen shuma fikse prej 200 eurove në muaj për periudhat e kaluara, ndërsa duke filluar nga 1 janari 2023, pagat do të rriten me 2,5 për qind, por të paktën 125 euro do të jepen me bazë fikse mujore, thuhet në deklaratë, e cila shton se do të ketë sërish një rritje prej 2,5 për qind nga 1 korriku 2023.

Marrëveshja kolektive do të jetë e vlefshme deri më 31 dhjetor 2023.

Nënkryetarja e sindikatës Verdi, Christine Behle tha se kjo marrëveshje është një rezultat i mirë, që do të thotë rritje e pagave për të gjitha grupet e punonjësve nga së paku 377 euro deri në 498 euro në muaj.

Edhe Michael Niggemann, një nga menaxherët e Lufthansa-s, u shpreh i kënaqur që është gjetur një zgjidhje e mirë për punonjësit.

Më 27 korrik, me thirrjen e sindikatës Verdi, personeli tokësor i kompanisë Lufhansa hyri në një grevë paralajmëruese dhe aeroportet e Mynihut dhe Frankfurtit, ndër aeroportet më të rëndësishme të vendit, u mbyllën.

Mbi 1.000 fluturime u anuluan dhe 134 mijë pasagjerë u ndikuan gjatë grevës. Siç është bërë e ditur, kjo grevë i ka kushtuar Lufthansa-s rreth 35 milionë euro.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)