27 Janar 2023

Lëshohet në qarkullim pulla postare e titulluar “Dyert e Prizrenit"

Prishtinë, 10 tetor - Sot, Posta e Kosovës lëshoi në qarkullim postar emisionin e rregullt të pullave postare të titulluar “Dyert e Prizrenit”. 

Qyteti i Prizrenit është i njohur që nga antikiteti si një vend unik në Ballkan për vlerat e trashëgimisë kulturore të civilizimeve dhe religjioneve të ndryshme, me një gërshetim harmonik të kulturave gjatë historisë dhe një numri të monumenteve të trashëgimisë kulturore të të gjitha kohërave, e që rrjedhimisht mban epitetin e ‘’Qytetit muze’’ të Kosovës.

Gati çdo cep i qytetit përmban një pjesë të rëndësishme të historisë së lashtë dhe e bën këtë qytet me vlerë të padiskutueshme ambientale, shkencore, historike dhe turistike. Rrugët me kalldrëm, shtëpitë e vjetra ende të banueshme, të cilat në veçanti i karakterizojnë dritaret, por sidomos dyert e vjetra të qytetit, të lënë përshtypje shumë të veçantë.

Dyert zakonisht janë prej druri me elemente e aksesorë prej hekuri, që janë ruajtura aq me fanatizëm sepse nuk janë të rëndomta. Çdo pjesë e tyre është e lidhur me historinë shqiptare siç është çekiçi i varur në formën rrethore të diellit (kult i besimit ilir), si dhe bërryli apo bllokuesi i derës, i cili është në formë të gjarprit, sinonim i besimit ilir në të.

Kësaj radhe, Filatelia e Postës së Kosovës ju sjell dy pamje të pulla postare, ku prezantohen dyert e Prizrenit me karakteristika shqiptare, bazuar për nga rëndësia e lashtësisë dhe domethënies së tyre, të cilat do të shpalosin në gjithë botën vlerat e trashëgimisë kulturore të Republikës së Kosovës.


 


  

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)