30 Shtator 2022

Lëshohen në qarkullim pullat postare “Frutat e malit”

Prishtinë, 4 qershor - Sot, Posta e Kosovës lëshoi në qarkullim emisionin e ri të pullave postare të titulluar: “Frutat e malit - qershizë mali, dredhëz mali dhe mjedra”. 

Kësaj here, Filatelia e Kosovës, ju prezanton pullat postare që bartin imazhe nga biodiversiteti i Kosovës, të cilat janë bimë ushqyese të malit, frutat e tyre kanë vlera ushqyese, si dhe ndikim shërues. Ato përhapen përmes ciklit natyral  shpërndarës, pa ndikimin e njeriut. 

Qershizën e malit - boronicën (Vaccinium myrtillus), e cila është shkurre e vogël shumëvjeçare që me frutat e saj bën pjesë në pemët e malit. Periudhën e lulëzimit e ka në maj dhe qershor, ndërkaq pjekjen e frutave e ka në korrik e gusht. Frutat kanë ngjyrë të kaltër dhe shije të mrekullueshme, që janë të pasura me hekur, magnez dhe vitaminat C, E, A, B dhe rekomandohen si pjesë e terapisë për anemi. Frutat dhe gjethet kanë përdorim të gjerë në prodhimin e lëngjeve, xhemit dhe çajeve. 

Dredhëzën e malit (Fragaria vesca), e cila është lloj i dredhëzës që rritet skaj malit. Ka lulen e bardhë dhe të vogël, nga e cila më pastaj formësohen frutat e kuqe. Dredhëza e malit ka një aromë intensive dhe shije të mrekullueshme. Është e pasur me vitaminat C dhe E, ndërkaq në gastronomi ka vend të pazëvendësueshëm te gatimi i ëmbëlsirave dhe disa gjellëve të ëmbla. Gjethet dhe rrënjët përdoren në formë të çajit në mjekësinë popullore. 

Mjedrën e malit (Rubus idaeus), bimën shumëvjeçare me ngjyrë të kuqe nga familja e trëndafilit, të cilat kanë aromë dhe shije të veçantë. Janë të pasura me vitaminën C dhe E. Në mjekësi popullore si pjesë shëruese e kësaj bime përdoren edhe gjethet, ndërkaq frutat për shkak aromës dhe shijes specifike kanë një përdorim të gjerë në prodhim të lëngut, pestilit dhe ëmbëlsirave të ndryshme. 

Filatelia e Postës së Kosovës, do të kujdeset edhe në të ardhmen që përmes pullave postare ta prezantoi dhe promovoi shtetin e Kosovës anekënd botës me bukuritë e saj natyrore që ka pa fund! 

 


 

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30