28 Mars 2024

Kukës, autostrada rrit zhvillimin e biznesit privat

Kukës, 12 korrik - Ndërtimi i autostradës dhe rritja e bashkëpunimit me biznesin kosovar ka nisur të ndikojë pozitivisht në tendencën e zhvillimit ekonomik, duke sjellë ulje të numrit të të papunëve dhe zhvillim të biznesit privat në qarkun e Kukesit.

Drejtori i zyrës rajonale të tatim-taksave në qarkun e Kukësit, Mirdash Hoxha, tha per ATSH-ne se, “në këtë drejtim vendin kryesor e zë biznesi i vogël, i përqëndruar kryesisht në bar-bufe, lokale shërbimi dhe kioska të vogla, qe përbëjnë mbi 80% të numrit të biznesit privat, që konsiderohet si biznes familjar”.

Aktualisht në shkallë qarku shlyejnë detyrimet fiskale 1074 subjekte private, prej të cilave 775 subjekte të biznesit të vogël, 184 të biznesit të madh dhe 118 subjekte shtetërore. Pozitive mbetet tendenca e re, ku numri i të punësuarve në sektorin privat ka arritur në mbi 3500, ose 20 për qind më shumë se e njëjta periudhë e vitit të kaluar.

Këtë vit është punuar edhe në uljen e evazionit fiskal. "Nga rreth 788 subjekte private që shlyenin detyrimet fiskale vjet, rritja e numrit të tyre këtë vit flet për ndryshim të punës nga strukturat tatimore, me synimin për ta eliminuar krejtësisht fenomenin, edhe pse ende është problem biznesi privat në zonat rurale”, thotë Hoxha.

Rritja e numrit të bizneseve private ka bërë që të realizohen 100 % të ardhurat në buxhetin e shtetit në periudhën 6 mujore, TVSH-ja është realizuar 107 për qind, tatim- fitimi në masën 146 për qind etj. Pa u realizuar kanë mbetur zera si sigurimet shoqërore me 97 për qind, taksa e banesave, që është në nivel mjaft të ulët etj.

Në zonat rurale problem mbetet fakti se një pjesë e bisnesit privat, edhe pse ushtron veprimtarinë në këtë zonë, rezulton i regjistruar në Tiranë, për pasojë, nuk shlyen asnjë detyrim fiskal pranë pushtetit vendor. Kjo më e dukshme është me firmat e shfrtyëzimit të mineraleve nëntokësore, që në jo pak raste sjell tensione sociale me banorët, apo me të punësuarit e tyre.

Sipas të dhënave të Institutit Shqiptar të Statistikave (INSTAT), në 3-mujorin e parë 2010 degët që patën rritjet më të larta ishin industria, transporti dhe tregtia, respektivisht me 27.5%, 11.4% dhe 4.8%, krahasuar me 3-mujorin e parë 2009.

Ekonomia në 3-mujorin e parë të vitit u rrit me 2%,  kundrejt tremujorit të parë të vitit 2009, ndërsa krahasuar me tremujorin e katërt të vitit 2009, rritja është 1.8%.

Sipas të dhënave të Institutit Shqiptar të Statistikave (INSTAT), në 3-mujorin e parë 2010 degët që patën rritjet më të larta ishin industria, transporti dhe tregtia, respektivisht me 27.5%, 11.4% dhe 4.8%, krahasuar me 3-mujorin e parë 2009.

Dega që u paraqit me rënie në këtë tremujor krahasuar me të njëjtin tremujor të një viti të mëparshëm ishte ndërtimi me 21.1%.

Krahasuar me tremujorin e katërt 2009, sivjet me rritje më të lartë paraqiten industria me 19.9% dhe transporti me 3.5%,ndërsa post- komunikacioni u shfaq me një rënie 9.0% dhe e ndërtimit me rënie 4.3%.

Dega e bujqësisë për këtë tremujor u rrit me 2.3%, kundrejt tre mujorit të parë të vitit 2009 dhe me një rritje me 0.9 % kundrejt tremujorin paraardhës.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)