06 Dhjetor 2022

Koncensionimi i Aeroportit, transparenca e plotë

Prishtinë, 15 maj - Nën-president ekzekutiv dhe drejtues i ekipit këshillues NACO të transaksionit për koncesionin e Aeroportit Ndërkombëtar të Prishtinës, Hans Mohrmann, pëmes një deklarate pë media, ka deklaruar se konsecionimi i Aeroportit Ndërkomëtar të Prishtinës, është bërë me transparencë të plotë.

“Që nga dita e parë, ky proces është menaxhuar me transparencë absolute dhe profesionalizëm, pa asnjë ndërhyrje politike", ka theksuar ai.  


Vendimi për diskualifikimin e një konsorciumi të caktuar sipas tij është marrë unanimisht nga komiteti vlerësues prej shtatë anëtarësh. Komiteti ka pasur në përbërjen e tij katër anëtarë ndërkombëtarë (ekspertë juridik, të financave, të operimit të aeroporteve dhe të transaksioneve të PPP) dhe tre anëtarë vendorë (zyrtarë ligjorë dhe të prokurimit) si përfaqësues të tri ministrive të ndryshme.  


Ndryshe nga ofertuesit tjerë, Mohrmann ka pohuar se konsorciumi i diskualifikuar nuk ka qenë në gjendje të pranojë kushtet e kontratës së PPP-së. Konsorciumi ka insistuar në bërjen e ndryshimeve në natyrën e projektit dhe në bazën për dhënie të kontratës. 


Ai ka potencuar se gjatë procesit të prokurimit, në dy raste të ndara, ky konsorcium ka propozuar ndryshime të njëjta apo të ngjashme. Qeveria ka refuzuar bërjen apo përfshirjen e atyre ndryshimeve të propozuara në të dyja rastet. 


Megjithatë, në ofertën e tij, konsorciumi ka vendosur qëllimisht dhe në mënyrë të njëanshme ti përfshijë këto apo ndryshimet e ngjashme në kontratë. Për këtë arsye, komiteti vlerësues nuk ka pasur asnjë opsion tjetër dhe ka qenë i detyruar të diskualifikojë këtë ofertues pasi që ai kishte dorëzuar një kontratë që ishte materialisht e ndryshme nga ajo që ofrohej nga ana e Qeverisë.  


Po ashtu Mohrman ka vleresuar se në të gjitha prokurimet, rregullat e procesit të tenderit përcaktohen në dosjen e tenderit. Nëse një ofertues nuk u përmbahet këtyre rregullave, atëherë duhet diskualifikuar. Politika dhe politikanët nuk kanë pasur të bëjnë asgjë me këtë.  


"Ky proces ka qenë i menaxhuar me një transparencë të pashembullt. Jo vetëm që procedurat e hapjes dhe të vlerësimit kanë qenë të shikuara nga publiku, por edhe i tërë procesi ka qenë gjithashtu i monitoruar për së afërmi nga ekspertët e USAID-it." 


Në përputhje me rregullat e prokurimit, ofertuesit mund të ushtrojnë të drejtën e tyre të ankesës dhe këto rregulla do të respektohen. Megjithatë, ngritja e akuzave të pabaza nuk i shërben asnjërës nga palët.”

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)