06 Dhjetor 2022

Hamiti: Me PTK-në është abuzuar rëndë gjatë këtyre viteve

Prishtinë, 20 maj - Udhëheqes të lëvizjes “Vetëvendosje” dhe ekspertë të telekomunikacionit kundërshtuan sot privatizimin e Postës dhe Telekomit të Kosovës. Në një tribunë organizuar nga Vetëvendosja, u theksua se privatizimi i kësaj kompanie është shpërdorim i një pasurie të madhe publike dhe nuk ka asnjë arsye të ndodhë aktualisht.

Lëvizja “Vetëvendosje” është kundër privatizimit në tërësi dhe sidomos privatizimit të ndërmarrjeve strategjike në Kosovë, siç është Postë-telekomit dhe Korporata Elektroenergjetike e Kosovës.

 Visar Ymeri, drejtues i komitetit për ekonomi në “Vetëvendosje”, tha se privatizimi i këtyre pasurive po bëhet pa kurrfarë plani dhe analize përkatëse.

Ai theksoi se para se të privatizohen këto kompani, duhet të futet në funksion të ekonomisë fondi i krijuar deri tani nga privatizimi në vlerë mbi 460 milionë euro, dhe të krijohet infrastruktura ligjore për rregullimin e konkurrencës së lirë të tregut.

\"Politikanët aktualë po nguten të privatizojnë kapacitetet zhvillimore me qëllim të pasurimit personal, tha Ymeri.

“Nisur nga ky këndvështrim dëmtimi afatgjatë i pronës publike, proces ky që po zgjatë tash e dhjetë vjet, nuk del të jetë i rastësishëm, sepse përmes këtij dëmtimi politikanët po synojnë t’ia zbresin vlerën pronës, e kur ta zhvlerësojnë atë, e shesin më lirë e sa më lirë ta shesin aq më shumë fitojnë”, tha Ymeri.

Eksperti i telekomunikacionit, Ismet Hamiti, njëherësh profesor në Fakultetin Teknik të Universitetit të Prishtinës, tha se me PTK-në është abuzuar rëndë gjatë këtyre viteve.

“Është abuzuar për shkak se është lënë në mëshirën e individëve sharlatanë, të papërgjegjshëm dhe me prirje kriminale, të cilët kontrollohen nga politikanë vendorë e të huaj me atribute të ngjashme”, tha Hamiti.

Profesori Hamiti tha se nuk ka kurrfarë arsyeje që kjo kompani të shitet, pavarësisht arsyetimit zyrtar se paratë e shitjes do të përdoreshin për të ndërtuar autostradën. Sipas tij në autostradë do të mund të investohej fitimi vjetor i kompanisë që sillet nga 130 deri në 140 milionë euro, dhe kompania të mos shitet fare.

Ndërkaq, kryetari i Sindikatës së PTK-së, Milazim Alshiqi, tha se punëtorët e kanë kundërshtuar shitjen e kompanisë, ndërkaq peticionin me rreth dy mijë nënshkrime të punëtorëve ua kanë dorëzuar tashmë zyrtarëve të institucioneve vendore e ndërkombëtare.

Kontratat e dëmshme dhe aferat korruptive në PTK e kanë dëmtuar imazhin e kësaj kompanie, me qëllim që asaj t’i bije vlera në treg, u tha në këtë tribunë. Ndryshe, sipas ekspertëve vlerësohet se vlera e kompanisë mund të jetë nga 300 deri në 400 milionë euro. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)