07 Shkurt 2023

Deri në 2035, të gjitha automjetet në Kaliforni do të jenë me energji elektrike ose hidrogjen

Kaliforni, 26 gusht - Bordi i Burimeve Ajrore të Kalifornisë (CARB) miratoi të enjten një rregullore historike e cila kërkon që 35 për qind e të gjitha automjeteve të reja që do të shiten në shtet të jenë elektrike ose me hidrogjen deri në vitin 2026 dhe 100 për qind deri në 2035.

Sipas gazetës "Sacramento Bee", për vetëm 13 vite, rregullorja do t'i japë fund shitjes së makinave të reja me benzinë ​​ose naftë në Kaliforni.

"Kjo është transformuese", tha Daniel Sperling, anëtari i bordit të burimeve ajrore, duke shtuar se shembulli i Kalifornisë pritet të ndiqet nga shtete të tjera që kanë një agjendë të fuqishme të energjisë së gjelbër.

Plani i CARB rrit numrin e makinave të reja, kamionëve dhe automjeteve SUV që duhet të jenë me energji elektrike ose hidrogjen në 35 për qind deri në vitin 2026 dhe të arrijë në 51 për qind të të gjitha shitjeve të automjeteve të reja deri në 2028 dhe 68 për qind në 2030, deri në finalizimin prej 100 për qind në vitin 2035.

Pavarësisht se miratimi i rregullores u mirëprit në shkallë të gjerë, industria e automjeteve dhe disa grupe biznesi shprehën shqetësimet e tyre për zbatimin efektiv të saj dhe koston e lartë për prodhuesit dhe blerësit.

"Prodhuesit e automjeteve mund të kenë vështirësi të konsiderueshme për të përmbushur objektivat e vendosura, duke pasur parasysh elementë që nuk janë në kontrollin e industrisë", citohet të këtë thënë nga "Sacramento Bee" Laurie Holmes, menaxhere e lartë për çështjet qeveritare dhe rregullatore për prodhuesin e automjeteve Kia.

"Këto përfshijnë, por nuk kufizohen në, kosto materiale dukshëm më të larta, zinxhirin e trazuar të furnizimit dhe burimet, stimujt e paqëndrueshëm të konsumatorëve dhe infrastrukturën e papërshtatshme të karikimit".

Çmimi mesatar i tregut për makinat elektrike është mbi 60 mijë dollarë, shumë më i lartë se automjetet me benzinë ose naftë.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)