06 Dhjetor 2022

Çertifikata për punëtorët e kompanive ndërtuese të rrugëve

Prishtinë, 23 Prill - Ministri i Transportit dhe Postë-Telekomunikacionit, së bashku me drejtoreshën e USAID-it amerikan në Kosovë, Patricia Ruder, ndanë çertifikatat punëtorëve të kompanive ndërtuese të rrugëve pasi që ata kanë përfunduar trajnimin një mujor me sukses, për Operatorët e Makinerive të Rënda.

Me këtë rast, ministri Limaj, theksoi se punëtorët të cilët do t’I marrin këto çertifikata do të jenë bartësit e ndërtimit të rrugëve, ndërtime këto më të fuqishme që janë duke ndodhur në vendin tonë për të përmirësuar infrastrukturën rrugore.

“ Është një moment i rëndësishëm për faktin se në kohën kur ne po investojmë në personel, investim ky I cili është I nevojshëm dhe I rëndësishëm,  pasi që Kosova të dielën, do të fillojë projektin e saj më madhor dhe kapital, të ndërtuar ndonjëherë në vendin tonë, ndërtimin e autostradës, e cila do ta transformojë ekonomikisht, vendin tonë ”, tha ministri Limaj.

Ministrit Limaj,gjithashtu theksoi se me ndërtimin e autostradës Morinë-Merdar, Kosova do ta kthehet në një nyje strategjike, të komunikimit në regjion, si dhe do të plotësohet komunikimi në mes të popujve, në shkëmbimin e mallrave dhe përfundimisht vendin tonë do ta nxjerrim nga izolimi.

Mendoj që për këtë sektor, është një moment tepër i rëndësishëm, kur dihet që kompanitë vendore, punëtorët kosovarë, do të kenë hapsirë dhe mundësi, që të jenë bartës të ndërtimit të autostradës, andaj ne patjetër se duhet të investojmë në aspektin profesional, për të ngritur njohuritë e puntorëve të vendit tonë të cilët do të punojnë në ndërtimin e rrugëve të vendit tonë tha gjatë fjalës së tij ministri Limaj.

Ministri Limaj u shpreh se, në të kaluarën nuk kemi pasur  kushte, mundësi, as hapsira shkollore, dhe për ata ky sektor ka qenë një nga ata të cilit I ka munguar kuadri profesonal. Andaj falanderoj USAID-in amarikan duke qenë i bindur se edhe në të ardhmen do të vazhdojmë kështu bashkë, për të investuar fuqishëm në Kosovë.

Tani më tepër se çdo gjë tjetër, kompanitë kosovare kanë nevojë të investojnë në personel, në njerëz profesionistë, me qëllim që të riorganizohet puna e tyre dhe të cilësia e ndërtimit të rrugëve,pastaj të shtohet dinamika e përshpejtimit të punimeve, vlerësoi ministri Limaj.

“Që nga sot kemi një gjeneratë, tepër të vlefshme të punëtorëve të cilët jam i bindur që nga e diela do t’i shohim shumë shpesh, duke e ndërtuar autostradën e parë të vendit të tyre. Shpresoj dhe dëshiroj të kemi edhe më shumë të tillë, në rrugët tona. Operatorët kosovarë të jenë ata të cilët nuk do të punojnë vetëm në Kosovë, por të përgatiten edhe për punët përtej vendit tonë. Për këto kompani nuk kam asnjë dilemë që pas përfundimit të projektit më madhor të vendit tonë, shumë shpejt do t’i shohim si konzorciume të fuqishme të cilat do të hapin punë edhe jashtë Kosovës”.

Ndërsa, drejtoresha e USAID-it amerikan në Kosovë, Ptaricia Ruder tha:” Qeveria e SHBA-ve është zotuar se do ta ndihmojë Kosovën, që të ndërtojë dhe të ketë një ekonomi të fuqishme. Ky trajnim për të cilin ne po flasim është pjesë e këtij zotimi. Qeveria e SHBA-ve së bashku me USAID-in janë duke punuar që të rritet ekonomia e Kosovës, dhe të forcohen institucionet demokratike”.

“Siç e tha edhe ministri Limaj, trajnimi i stafit vendor do ta bëjë shtetin më të fortë dhe me më prosperitet. Këto ndërtime që po bëhen janë një dëshmi e përparimit tuaj, e ambicieve tuaja si shoqëri dhe shpresave tuaja për të ardhmen” theksoi Ruder.  

Pas përfundimit të trajnimit një mujor, 40 punëtorë të kompanive kosovare për ndërtimin e rrugëve u pajisen me qertifikata, trajnimin e kishte realizuar kompania HEVICERT, ndërsa ishte ndihmuar nga USAID-i amerikan në Kosovë.

 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)