07 Shkurt 2023

Bordi i RTK-së miratoi skemën programore për vitin 2022

Prishtinë, 16 prill - Në mbledhjen e datës 16 prill 2022, Bordi i Radio Televizionit të Kosovës me shtatë vota për dhe asnjë kundër ka miratuar skemën programore të RTK-së për katër kanalet e saj televizive dhe dy të radios.

Përgjegjësit e programit të RTK-së kanë punuar intensivisht në hartimin e skemës programore për vitin 2022 dhe si e tillë ajo do t’i plotësojë pritshmëritë e publikut në Kosovë.

Kështu programi i RTK-së krahas programeve standarde është pasuruar edhe me emisione të reja për çdo familje kosovare dhe të dedikuara për grupe të ndryshme shoqërore si: fëmijët dhe të rinjtë, dashamirët e kulturës në zhanret e saj të veçanta, art, film dhe libër dhe të tjera. Fokus i shtuar pa dyshim i është dhënë sektorit te ekonomisë, arsimit, politikës dhe jetës parlamentare në Kosovë.

Në këtë sezon programor ekranit të RTK-së do t’i kthehen figura të njohura televizive me emisionet e tyre të rikonceptuara dhe me skenografi të re.

Programet e reja në kuadër të skemës së re programore do të shohin dritën e transmetimit në javën e parë të muajit maj.

Në këtë mbledhje Bordi i RTK-së është njoftuar nga udhëheqësja e mediave online të RTK-së Ilire Zajmi, lidhur me reformat që janë ndërmarrë dhe po vazhdojnë në mediat online të RTK-së, përfshirë mundësinë për monetizimin e web-faqes së RTK-së.

Në lidhje me web-faqen e RTK-së, U.D Drejtori i RTK-së e njoftoi Bordin për emërimin e redaktorit për menaxhmin e lajmeve të komuniteteve jo serbe që publikohen në web-faqen e RTK-së, me përgjegjësi rikthimin e lajmeve të komuniteteve turke, boshnjake dhe rome. Kjo përgjegjësi do të përmbushet duke e koordinuar punën me redaksitë e tyre komunitete në televizion dhe radio.

 

---

 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)