SHBA, 12 maj - Kompania e njohur për shpërndarje të materialeve vizuale në internet “YouTube”, ka vendosur t’u paguaj për punën tuaj. Nëse jeni autor i një materijali vizual (video), shpërndarja e kreacionit tuaj në internet nëpërmjet “YouTube”, do t’ju sjellë përfitime në të holla.

Ky vendim nuk do të vlejë për materijalet e kopjuara nga emisionet e ndryshme televizive, këngët e gatshme, apo ndonjë tjetër material që merret dhe publikohet si i gatshëm.

Deri më tani këtë mundësi përfitimi e kanë patur vetëm disa kompani gjigande, që e përdornin këtë shërbim për qëllime promovuese.

Ideja jonë është që edhe njerëzve “të thjeshtë”, tu mundësohet një qasje e tillë që me anë të “YouTube Partner Program” ose “Individual Video Partnerships (IVP)”, materialet autentike, të kenë mundësi ti transmetojnë edhe me para, deklaron drejtori i menaxhmentit në YouTube, Hanter Bok.