07 Shkurt 2023

Ukraina akuzon Rusinë për sulme të reja kibernetike

Kiev 16 mars - Shërbimi i Sigurimit të Shtetit të Ukrainës tha se ka parandaluar një sulm të madh kibernetik nga hakerët rusë, që kishte në shënjestër të dhënat e klasifikuara të Qeverisë.

Sipas këtij shërbimi, qëllim i sulmit ka qenë “qasja në të dhënat e klasifikuara të institucioneve më të larta të Ukrainës”.

Shërbimi ukrainas tha se Shërbimi Federal i Sigurisë në Rusi qëndron prapa hakerëve.

Kievi, edhe më herët, ka akuzuar Moskën për orkestrimin e sulmeve të mëdha kibernetike, por Rusia i ka mohuar ato.

Shërbimi Federal i Sigurisë në Rusi nuk i komentoi ende akuzat e fundit.

Shërbimi i Sigurimit në Ukrainë nuk tregoi nëse është shkaktuar ndonjë dëm në incidentin e fundit.

Marrëdhëniet midis Kievit dhe Moskës janë tensionuar prejse Rusia ka aneksuar ilegalisht Gadishullin e Krimesë nga Ukraina, në vitin 2014.

Moska po ashtu i mbështet separatistët që luftojnë forcat qeveritare në lindje të Ukrainës.

Mbi 13,000 njerëz janë vrarë në këtë konflikt që po ashtu ka nisur në vitin 2014.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)