12 Gusht 2022

Twitter shton opsionin e gjuhës “femërore” në arabisht

New York, 15 qershor - Twitter ka krijuar një hapësirë për gjuhën arabe “femërore” që mundëson faqen e mediave sociale të flasë me përdoruesit duke përdorur gramatikën femërore, në kuadër të përpjekjes për përfshirje dhe diversitet.

“Ne duam që të pasqyrojmë zërat e bisedave që bëhen në faqen tonë”, ka thënë Rasha Fawakhiri, e cila është në krye të komunikimit me publikun për Lindjen e Mesme dhe Afrikën e Veriut.

Në arabisht, foljet kanë gjini sipas kryefjalës. Format mashkullore përdoren për t’iu referuar audiencave të përziera.

Fawakhiri është shprehur se kompania ka projekte të tjera në këtë drejtim. Ka plane për të futur në përdorim edhe përemrat gjinorë në profilet e këtij rrjeti, në mënyrë që njerëzit të shfaqin mënyrën se si preferojnë të adresohen.

Deri më tani, udhëzimet për përdoruesit të Twitter në Arabisht ishin shfaqur vetëm në formën mashkullore “gharrid”. Ndërkaq, shfaqet edhe si “gharridi”, që është forma femërore.

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë kompaninë “Rroni Fer” Sh.P.K. (Magjistralja Gjakovë-Prizren_kilometri i dytë, Objekti i ish-ndërmarrjes “Metaliku”, Gjakovë, ora 14:30)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Mbahet edicioni i parë i festivalit “MAL FEST”, i cili synon të jetë tradicional dhe objektiv e ka rininë dhe mërgatën e Komunës së Malishevës. Festivali organizohet nga Komuna e Malishevës në bashkëpunim me  organizatën “Values for Better Future”.(parku i qytetit në Malishevë, ora 19:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)