24 Maj 2022

Twitter i mbyll përgjithmonë llogarinë ish-presidentit amerikan Trump

Washington, 11 shkurt - Drejtori financiar i faqes së rrjetit social Twitter, Ned Segal tha se ndalesa e vendosur ndaj llogarisë së ish-presidentit të SHBA-së, Donald Trump do të vazhdojë edhe sikur ai të zgjidhet sërish në detyrën e presidentit.

Në një intervistë për televizionin amerikan CNBC, Segal iu përgjigj pyetjeve rreth llogarisë së Trumpit në Twitter, ku ai theksoi se një llogari e mbyllur nuk është e mundur të hapet më dhe se kjo ndalesë është e përhershme.

"Sipas rregullave tona, kur nxirreni nga platforma për shkak të një sjelljeje kundërvajtjeje, nuk lejohet të ktheheni sërish edhe nëse jeni një ish apo zyrtar aktual", tha Segal.

Politikat e kompanisë janë projektuar "për të qenë të sigurt që njerëzit nuk nxiten në dhunë" dhe "shkelësit" nuk lejohen të rikthehen, theksoi drejtori i financave duke vënë në dukje në mënyrë të qartë se Trump nuk do të mund ta përdorë llogarinë e tij në Twitter edhe sikur të zgjidhet sërish presidenti i SHBA-së.

Pasi mbështetësit e Trumpit bastisën Kongresin Amerikan më 6 janar, kompanitë e mediave sociale filluan të aplikojnë censurë serioze ndaj llogarive të Trumpit.

Instagram dhe Facebook bllokuan për një kohë llogarinë e Trumpit ndërkohë që Twitter që nga 8 janari njoftoi pezullimin pa afat të llogarisë së ish-presidentit.

Kalendari

Ngjarjet e datës 24 maj 2022

- Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Në kuadër të programit dhe ekspozitës Babylonian Vision të artistes Nora Al-Badri qe qëndron e hapur në Galeria 17 mbahet diskutim me temë "Dekolonializimi i artefakteve. Demokratizimi i muzeve". (Lapidariumi i Muzeut Kombëtar të Kosovës, ora 15:00)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)