05 Korrik 2022

Të Premten Mbrëmja Gala e ICT Awards, kurorëzohen fituesit e edicionit të 8-të

Prishtinë, 8 korrik - Gara mbarëshqiptare në teknologji, Albanian ICT Awards do të përmbyllë edicionin e saj të 8-të këtë të Premte në Mbrëmjen Gala e cila do të organizohet në MAK Hotel me pjesëmarrjen e organizatorëve, jurisë dhe finalistëve.

Ndërsa të gjitha ata që duan të ndjejnë emocionet e ceremonisë së ndarjes së çmimeve sikur çdo vit tjetër do të kenë mundësi ta ndjekin virtualisht.

Mbrëmja Gala e edicionit të 8-të të ICT Awards vjen pas një pritjeje të gjatë prej mëse 5 muajsh dhe organizohet duke respektuar çdo masë të ndërmarrë nga autoritetet në kuadër të parandalimit të përhapjes së Covid-19.

ICT Awards nisi edicionin 8-të me 7 Shkurt në Tiranë ku zbuloi për komunitetin e ICT kriteret, vlerësimet dhe shpërblimet e këtij viti dhe kategoritë e garës:   ICT Inovacioni i Vitit, ICT Startupi i Vitit, ICT Ylli në Ngritje i Vitit, ICT Diploma e Vitit, Gruaja në ICT, ICT Shërbimi Publik i Vitit dhe ICT Siguri Kibernetike.

Po gjatë muajit Shkurt nisën takimet e para në disa qendra, shkolla, universitete e hapësira inovacioni në Shqipëri, Kosovë dhe Maqedoni si:  Tirana, Prishtina, Shkupi, Elbasani, Vlora, Korça, Lezha dhe Presheva.

Këto takime, një traditë e çdo edicioni të ICT Awards në kërkim të historive Shqiptare të suksesit në teknologji, vijuan gjatë 10 ditëshit të parë të muajit Mars për tu ndërprerë më pas në përputhje me të gjitha masat e marra nga qeveria Shqiptare për të parandaluar përhapjen e një pandemie me karakter global siç ishte Covid-19.

ICT Awards vendosi të shtyjë mbylljen e aplikimeve nga data 30 Mars deri më 4 Qershor. Një ditë më pas më 5 Qershor u mblodh në një takim virtual juria e ICT Awards përbërë nga: Altin Petre, Edlira Martiri, Ilir Çapuni, Visar Jasiqi, Shkelzen Marku, Julia Hoxha, Arjan Cukaj, Gjergji Guri, Ornela Bardhi, Anila Hyka, Azir Aliu, Muhedin Nushi dhe Edmond Hajrizi. Pavarësisht rrethanave të jashtëzakonshme, mëse 75 aplikime kishin mbërritur pranë ICT Awads.

Në këtë edicion të jashtëzakonshëm ICT Awards bëri thirrje edhe për projekte e zgjidhje inovative në ndihmë të shoqërisë në luftën përballë Covid-19.

Më 25 dhe 26 Qershor juria u takua po virtualisht me kandidatët e listës së ngushtë dhe pavarësisht rrethanave të krijuara për shkak të pandemisë, entuziasmi mbetej i lartë për garuesit.

Themeluar dhe vënë në shërbim të ekosistemit të inovacionit dhe startupeve në Shqipëri, misioni i konkursit më të madh në teknologji Albanian ICT Awards sot identifikohet me shkëndijat e shpresës që ndriçojnë sytë e çdo të riu, entuziasti, inovatori e profesionisti përkushtimi dhe dedikimi i të cilëve meriton jo vetëm njohje dhe afirmim por vëmendjen e një shoqërie shqiptare që ëndërron pa pushim.

Edicioni i tetë i ICT Awards gëzon mbështetjen e sponsorëve tradicionalë si Fondacioni Dritan Hoxha, Banka Raiffeisein dhe Albvision si dhe të shumë sponsorëve, partnerëve e mbështetësve si Ambasada Britanike, Albsoft, Facilization, Universiteti Metropolitan, Riinvest, UBT, AUK, Gjirafa dhe Soft&Solutions.

Mbrëmja Gala në prezencë fizike do të zhvillohet në respektim të plotë të rregullave të vendosura nga “Ministria e Shëndetësisë dhe Mbrojtjes Sociale” për t’u mbrojtur nga përhapja e pandemisë COVID-19.

Eventi do të zhvillohet në mjedis të hapur, me një pjesëmarrje minimale prej 40 personash, ku të ftuarit qëndrojnë të paktën 2 metra larg, mbajnë maska të fytyrës dhe nuk ndajnë objekte të përbashkëta me njëri-tjetrin.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)