27 Janar 2023

SHBA, zbulohet sulmi informatik më i madh

San Francisko, 18 shkurt - Një shoqëri e sigurimeve informatike në Shtetet e Bashkuara ka zbuluar dje një sulm informatik në shkallë të gjërë, që kishte marrë në kontroll 74 mijë kompjuterë në 196 vende.

Në mënyrë të veçantë janë prekur vendet, si: SHBA, Meksikë, Arabi Sauditë, Egjipti dhe Siria. Shoqëria ''NetWitness'' identifikoi 2 411 organizata që ishin prekur nga këto sulme që prej një viti, 374 prej të cilave në SHBA duke përfshirë dhe administratat federale dhe lokale, ndërmarrjet e mëdha të sektorit bankar, teknologjik, energjitik si dhe departamente shkollore.
    
Raporti që disponon shoqëria  ''NetWitness'' thekson se të dhënat e para që kanë të bëjnë me këtë sulm datojnë në mars 2009 dhe se rrjetet sociale janë përdorur si vektorë veçanërisht me ftesa të rreme në shkarkimin e programeve të sigurisë, ndërkohë që këto janë defekte në sistemet e përdorimit XP dhe Vista prej të cilave kanë përfituar keqbërësit.
    
Ai nënvizoi se Departamenti amerikan i Mbrojtjes duket se ka qenë në mënyrë të veçantë në shënjestër, por piratët kanë mundur të kryejnë edhe transaksione bankare dhe të nxjerrin të dhëna për pronën intelektuale.

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)