04 Shkurt 2023

ShBA-ja reagon ndaj taksës franceze për gjigantët e internetit

Washington, 28 nëntor - Përfaqësuesi amerikan i Tregtisë do të njoftojë veprimin e propozuar në lidhje me hetimin e taksës franceze për gjigantët globalë të internetit.

Sipas një deklarate zyrtare, institucioni është në procesin e përfundimit të hetimit, sipas seksionit 301 të Aktit të Tregtisë të vitit 1974.

ShBA-ja nisi hetimin ndaj taksave franceze për gjigantët teknologjikë me më shumë se 750 milionë euro fitime digjitale globale, duke e akuzuar qeverinë franceze për shtim të pabarabartë të taksave ndaj kompanive të amerikane të teknologjisë.

Pavarësisht kundërshtimit të ShBA-së, Parlamenti i Francës miratoi një ligj të ri për vendosjen e një takse digjitale për gjigantët si "Google", "Amazon", "Facebook" dhe "Apple".

Ministri francez i Ekonomisë dhe Financës, Bruno le Maire, tha se aplikimi i taksës mbi të ardhurat e tyre digjitale do mundësojë një taksim më të ndershëm.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)