04 Tetor 2022

SHBA heq dorë nga projekti i fluturimit në Hënë

Uashington, 13 shkurt - Shtetet e Bashkuara të Amerikës të cilat 40 vjet më parë dërguan njeriun e pare në Hënë, heqin dorë nga projekti i nisjes në satelitin e Tokës për shkak të mungesës së fondeve.

Në projektbuxhetin prej 3 trilion e 800 miliard dollarësh të përgatitur nga Presidenti i Shteteve të Bashkuara të Amerikës Barak Obama dhe të paraqitur për t’u votuar nga Senati, bëhet fjalë edhe për mbylljen e programeve të dërgimit të njerëzve në Hënë.

Për të mbyllur një hapje prej 1 trilion e 600 miliard dollarë shteti po ul shpenzimet në disa fusha. Presidenti Obama anuloi programin e filluar nga presidenti i mëparshëm Xhorxh Bush i cili kishte planifikuar udhëtimin në Hënë të njerëzve deri në vitin 2020.

Programi me harxhime prej miliona dollarësh kishte planifikuar realizimin e fluturimeve në Hënë dhe në planetin e kuq Mars. Nga aspekti i komenteve të reja, fluturimi i parë ndërkombëtar i tregtisë në orbitën e Tokës planifikohet të bëhet para vitit 2015.

Një nga ndërprerjet më të rënda të bëra në punimet hapësinore ku përfshihet dhe udhëtimi në Hënë, gjatë luftës së ftohtë ishte bërë simboli i fuqisë së Shteteve të Bashkuara të Amerikës. Në projektbuxhet paraqitet mbështetja ndaj NASA–s, Zyrës së shërbimeve ajrore dhe hapësinore të Amerikës në prodhimin e mjeteve të cilat do të mbajnë astronautë për në Stacionin Ndërkombëtar të Hapësirës.

Presidenti i cili e ka lënë mënjanë projektin hapësinor planifikon të bëjë një ulje taksash në vlerën 100 miliard dollarë për aplikimet në punësimin e punonjësve.

Në buxhet shihet një rritje rekord në harxhimet për sigurinë dhe mbrojtjen. Në buxhetin e paraqitur në Kongres nga Obama, buxheti i mbrojtjes me një vlerë prej 708 miliard dollarë përbën harxhimet më të mëdha të bëra ndonjëherë për mbrojtje në historinë e Amerikës.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)