05 Dhjetor 2022

Samsung prezanton telefonin e parë 5G

Seul, 6 prill - Samsung Electronics prezantoi Galaxy S10 5G, smartfonin e parë në botë të pajisur me teknologjinë e gjeneratës së pestë të komunikacionit, ndërsa Koreja e Jugut përpiqet të marrë pozicionin udhëheqës në sistemin transformues.

Koreja e jugut u bë në fakt të mërkurën vendi i parë që lancoi shërbimin kombëtar 5G, me tre rrjete super të shpejta që dolën live duke ofruar shpejtësi që i lejon përdoruesit të shkarkojnë filma të plotë në më pak se një sekondë.

Pak orë më vonë, gjiganti amerikan, Verizon, ofroi të njëjtat shërbime në Chikago dhe Mineapolis, pasi rivali AT&T bëri të mundur sistemin me bazë 5G për përdorues të përzgjedhur në disa pjesë të 12 qyteteve, në dhjetor.

Tre operatorët celularë të Koresë së Jugut ndërkohë, mbajtën evente promovuese në Seul për Galaxy S10, versioni bazë i të cilit kushton 1200 dollarë.

Lojëra interaktive të realitetit virtual dhe demonstrime robotike, u përdorën për të demonstruar aftësitë e rrjetit të ri dhe përdoruesit e rinj ishin të ekzaltuar për mundësitë, veçanërisht për transmetimin live të ndeshjeve sportive apo leksioneve universitare.

Para lancimit të telefonit të ri Samsung, shërbimi 5G ishte i kufizuar në një numër përdoruesish të përzgjedhur në Korenë e Jugut. Tani, prodhuesi rival LG do të prezantojë telefonin e tij 5G, V50 ThinQ, ndërsa në SHBA, Verizon po punon me moto Z3 të Lenovos, të pajisur me një aksesor të posaçëm.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)