27 Janar 2023

Përfundon gara e teknologjisë Tech Heroes

Prishtinë, 1 prill - Për të dokumentuar një bashkëpunim të suksesshëm në mes të etnive të ndryshme në Kosovë, si një shembull i një mendje të hapur që do të ndërtojë shtigje për të fituar të ardhmen në këtë epokë digjitale, organizojnë natën finale të projektit Tech Heroes.

Tech Heroes është një iniciativë e dizajnuar dhe implementuar nga jCoders Academy së bashku me IOM dhe mbështetur nga British Embassy Pristina.

Ky projekt synon të krijojë mundësi që etnitë në Kosovë të punojnë së bashku në hartimin e zgjidhjeve teknologjike për të përmirësuar shoqërinë.

Ky projekt zyrtarisht shënon herën e parë që teknologjia përdoret si emërues i përbashkët për të rritur ndërgjegjësimin në lidhje me nevojën për të punuar së bashku për një të ardhme më të mirë, e cila me të vërtetë do të kërkojë aftësi digjitale.

Më shumë se 180 studentë nga 9 komuna punuan së bashku për të hartuar zgjidhje që do të përmirësojnë jetën e të tjerëve përmes teknologjisë.

Pjesëmarrësit nga të gjitha komunitetet kanë zhvilluar zgjidhje për sfidat nga jeta jonë e përditshme, të tilla si: Arsimi, Turizmi, Mjedisi, Shëndeti dhe Mirëqenia, Reagimi dhe Rimëkëmbja nga Covid, Arti dhe Kultura, Fuqizimi i Rinisë.

Si rezultat i aktivitetit gjashtë mujor pjesëmarrësit do të kenë mundësinë të prezantojnë projektet e tyre dhe ne jemi të lumtur t'ju ftojmë të na bashkoheni në ngjarjën përfundimtare të garës.

Duke marrë parasysh situatën pandemike, ne kemi rezervuar 10 vende për media gjatë shpalljes së fituesit. Prandaj ne do të vlerësonim shumë një konfirmim të pjesëmarrjes nga ana e juaj deri neser.

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)