27 Janar 2023

Nokia shpalos celularë me dy SIM kartela

Helsinki, 4 qershor - Nokia ka lansuar një pajisje të re mobile, të quajtur Nokia C2 e cila ju mundëson që në të njëjtën kohë të keni dy SIM kartela.

Ai është një celular i thjeshtë me një faktor forme gjithashtu të zakonshëm dhe është një prej celularëve të parë të Nokia-së që përkrah dy SIM kartela në të njëjtën kohë, duke iu mundësuar përdorim ndaras të dy SIM kartelave të ndryshme në të njëjtën kohë.

Nokia C2 veçohet me aftësi për përkrahje të dy SIM kartelave në të njëjtën kohë, duke mundësuar që thirrjet dhe mesazhet tekstuale prej të dy operatorëve të arrijnë në pajisjen tuaj pa asnjë problem.

Kartela e parë tek Nokia C2 është nën bateri, ndërsa kartela e dytë SIM është e vendosur në një pozitë që Nokia e quan “hot-swappable”, gjë që mundëson ndërrimin e SIM kartelës gjersa pajisja është e ndezur.

Nokia C2 do të paraqitet në treg për një çmim prej 45 euro dhe përkrahë rrjetet GSM 900/1800. Ai gjithashtu ka kamerë VGA, përkrahje për GPRS, Bluetooth, FM Radio, port për microSD, port 3.5 mm për zërim, etj.

Në anën tjetër Nokia ka shpalosur edhe një celularë tjetër të quajtur C1-00 që do të kushtojë 30 euro dhe përkrahë dy SIM kartela por jo në të njëjtën kohë. Ndërsa veçoritë i ka pak a shumë të ngjashme me C2-in.

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)