04 Korrik 2022

Netflix ka pushuar nga puna rreth 150 punëtor

New York, 18 maj - Netflix ka pushuar nga puna rreth 150 anëtarë të stafit, vetëm një muaj pasi gjigandi i argëtimit tha se po humbiste abontentë për herë të oarë në një dekadë.

Largimet nga puna prekin kryesisht zyrën e Netflix në Kaliforni dhe përbëjnë rreth 2% të fuqisë së saj punëtore në Amerikën e Veriut.

Netflix tha se shkarkimet e punonjësve vijnë për shkak të rënies së të ardhurave të kompanisë, pasi një “eksod” shikuesish u larguan këtë vit.

“Këto ndryshime janë të nxitura kryesisht nga nevojat e biznesit dhe jo nga performanca individuale, gjë që i bën ato veçanërisht të vështira pasi askush nga ne nuk dëshiron t’u thotë lamtumirë kolegëve”, tha kompania në një deklaratë.

Sipas Los Angeles Times është prekur sektori i rekrutimit, komunikimit dhe gjithashtu departamenti i përmbajtjes.

Në prill, gjigandi i transmetimit tronditi industrinë kur zbuloi se kishte humbur 200.000 abonentë në tre muajt e parë të 2022 dhe paralajmëroi se dy milionë të tjerë pritej të largoheshin në tremujorin e ardhshëm.

Lajmi shkaktoi rënie të aksioneve të firmës me 35% brenda një dite. Ndërsa Netflix ka 220 milionë abonentë globalisht dhe mbetet lider i i tregut, ai është përballur me konkurrencë të ashpër vitet e fundit me ardhjen e platformave konkurrente si Disney Plus, HBO dhe Prime Video të Amazon.

Kompania tha gjithashtu se lufta në Ukrainë dhe rritja e çmimeve i kanë kushtuar abonentëve. Vetëm tërheqja nga tregu rus i kishte kushtuar shërbimit 700.000 abonentë, zbuloi Netflix.

Gjithashtu gjigandi i argëtimit, po shkurton përmbajtjen dhe po tërhiqet nga krijimet e veta.

Në maj, një serial i animuar ‘Pearl” i Meghan Marke, u anulua nga kompania për të ulur kostot.

Kalendari

Ngjarjet e datës 4 korrik 2022

- Zëvendëskryeministri i Parë për Integrim Evropian, Zhvillim dhe Dialog, Besnik Bislimi pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 8:45)

 - Për nderë të 4 korrik 246 vjetori i Pavarsisë së SHBA zjarrfikësat e Prishtinës e pastrojnë platonë tek shtatorja e Presidentit Bill Clinton. (Sheshi Bill Clinton në Prishtinë, ora 9:00)

- Kryeministri i Republikës së Kosovës, Albin Kurti, pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 9:55

- Kryetarja e Dhomave të Specializuara Ekaterina Trendafilova do të mbajë takim me përfaqësues të shoqërisë civile në Gjilan, ku do të ndajë informacion rreth mandatit, punës dhe zhvillimeve aktuale në Dhomat e Specializuara të Kosovës si dhe do t’u përgjigjet pyetjeve të tyre. (Hotel  Astoria në Gjilan, ora 10:00)

- Shoqata 'Miqtë e Amerikës' e mbështetur nga FSK, Zjarrfikësat dhe Policia e Kosovës organzon aktivitetin e radhës tashmë tradicional për nderë të 4 korrik 246 vjetori i Pavarsisë së SHBA. (Të shtatorja e Presidentit Bill Clinton, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 13:00‪)
   
- UBT oganizon festivalin ndërkombëtar të dijes “Global UBT Fest 2022”, përmes së cilit në Kosovë po sjell profesionistë dhe ekspertë vendorë dhe ndërkombëtarë, duke organizuar samite, forume, gara, ligjërata tematike, vizita studimore, e ngjarje të ndryshme interesante për studentët dhe palët e tjera. (Parku Shkencor Inovativ të UBT-së në Lipjan, ora 18:00)