25 Shtator 2022

Microsoft lëshon seritë Windows Phone 7 për celularët

SHBA, 2 mars - Microsoft ka lëshuar versionin e fundit të sistemit të tij të shfrytëzimit për telefonat mobilë, të quajtur seritë Windows Phone 7.

Programi ka një ndërfaqe përdoruesi të ri skicuar dhe ka të inkorporuar shumë nga shërbimet e Microsoft, si lojërat Xbox LIVE dhe shërbimin muzikor Zune.

Programi u prezantua në një ngjarje në Kongresin Botëror të Mobilëve në Barcelona. Sipas firmës kërkimore Canalys, programi i Microsoft aktualisht ka rreth 9% të tregut të telefonave të mençur.

Kjo e vendos atë të katërtin në tregun botëror pas Symbian, Rim (prodhuesit e Blackberry) dhe sistemit të shfrytëzimit iPhone të Apple. Sistemi i ri pason lëshimin e Windows Mobile 6.5 në Tetor 2009.

“Ky është padyshim një hap gjigand përpara”, i tha analisti Pete Cunningham i Canalys BBC-së. “Microsoft ka vuajtur shumë me Windows Mobile 6 dhe 6.5 dhe ka humbur pjesë nga tregu.”

Pavarësisht, tha ai, firma nuk mund të rrinte “në hijen e trofeve të saj”. “Edhe pse duket i mirë dhe konkurrues sot, firmat e tjera ende nuk i kanë hapur letrat e tyre.

“Ai nuk lëshohet për tetë apo nëntë muaj të tjerë dhe kjo është një kohë e gjatë në botën e celularëve.”

Për shembull, në më pak se 30 muaj Apple ka pretenduar 15% të tregut të telefonave të mençur, sipas grafikëve të Canalys, ndërsa sistemi Android i Google ka pretenduar 5% të tregut në vetëm dy vjet.

Kalendari

Ngjarjet e datës 24 shtator 2022

- Federata Atletikës së Kosovës dhe Departamenti i Sporteve, organizon maratonën “Prishtina 2022”, në të cilën marrin pjesë mbi 500 garues. (Nisja bëhet nga Teatri Kombëtar, ora 9:00)

- Me qëllim të koordinimit ndër-institucional mes Qeverisë dhe Pushtetit Lokal mbahet takimi i përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministrin e Financave, Hekuran Murati, Ministren e Ekonomisë, Artane Rizvanolli dhe Kryetarët e Komunave me ç ‘rast do të diskutohet performanca buxhetore e Komunave dhe Investimet Kapitale, energjia, etj... (Hotel Dukagjini në Pejë, ora 10:00)

- Partia Demokratike e Kosovës mban Konventën Programore të Gruas Demokratike të Kosovës.  (Hotel Emerald, ora 10:00)  

- Lidhja Demokratike e Kosovës, Dega në Gjilan mban konventën e madhe programore. (Salla e Teatrit të Qytetit në Gjilan, ora ora 11:00)

- Koalicioni i OJQ–ve për Mbrojtjen e Fëmijëve në Kosovë bën prezantimin e instalacionit simbolik “Fëmijët në Shkolla”. (Sheshi “Skënderbeu” në Prishtinë, ora 12:00)
 
- Kryeministri i Republikës së Kosovës, Albin Kurti, bashkë me Zëvendëskryeministren për Çështje të Pakicave dhe të Drejtat e Njeriut, Emilija Redžepi, marrin pjesë në hapjen solemne të Qendrës Kulturore Boshnjake, me rastin e festimit të Ditës Kombëtare të Boshnjakëve. (Qendra Kulturore Boshnjake në Prizren, ora 14:00)