06 Dhjetor 2022

Microsoft detyrohet t'i ofrojë hapësirë konkurrencës

Oslo, 9 mars - Një erë e re e ueb shfletimit është nisur përmes Komisionit Evropian gjatë ditës së hënë, pasi që Microsoft është detyruar që t'i lejojë përdoruesit e sistemit të saj operativ Windows, që të zgjedhin programe tjera për të shfletuar internetin.

Efekti padyshim që do të zgjerojë konkurrencën në treg – gjë që mund të nxisë inovacionet, thekson Opera, një kompani me bazë në Norvegji që ka qenë një prej iniciatorëve të parë që ka udhëhequr aksionin për padinë ndaj Microsoft.

Duke filluar prej kësaj jave, përdoruesit anembanë Evropës që kanë Windows XP, Vista apo Windows 7 dhe kanë Microsoft Internet Explorer të vendosur si shfletues të zakontë, do të përballen me një ekran që ofron mundësinë për të përzgjedhur një shfletues nga 12 sosh, duke përfshirë edhe IE. Top pesëshja me pjesëmarrjen më të madhe në treg, Internet Explroer, Firefox, Chrome, Safari e Opera do të prezantohen të parë, por me renditje të çfarëdoshme.

Kjo ka ndodhur pasi Opera ka vendosur një ankesë në vitin 2007 pranë Komisionit Evropian, kinse Microsoft në mënyrë ilegale po lidh ueb shfletuesin e saj me Windows, duke i ofruar Internet Explorer-it avantazh jo fer, për shkak se përdoruesit duhet që të shkarkojnë shfletues tjerë nëse dëshirojnë t'i përdorin.

Në anën tjetër bashkëthemeluesi dhe shefi ekzekutiv i Opera-së, Jon von Tetzchner tha për Guardian se lëvizja sigurisht do t'i ofrojë Opera-së më shumë përdoruesit dhe se kjo do të jetë edhe më mirë për uebin në tërësi.

“Ne do të shohim se njerëzit largohen nga Internet Explorer” tha ai. “Kjo është shumë e qartë në momentin kur përdoruesve u jepet një mundësi për të përzgjedhur mes shfletuesve të shumtë, pasi që ata do të keni dëshirë të provojnë të tjerë dhe të shfrytëzojnë shfletues tjerë (në vend të IE)” tha ai.

IE dihet se dominon me pjesëmarrje në treg për shkak të përfshirjes së tij me Windows, që është sistemi operativ me përdorimin më të gjerë në PC. Shfletuesi i Microsoft është kritikuar mjaft shumë kohëve të fundit për shkak të dështimit të tij për të adoptuar standardet e reja dhe për shkak të sulmeve të vazhdueshme të hakerëve që kanë kuptuar se për shkak të shfrytëzimit të tij të gjerë, çfarëdo lëshimi në këtë shfletues do të ketë ndikime tek miliona përdorues.

Megjithatë konkurrenca është ajo që do të fitojë më së shumti dhe atë Google, Apple dhe Mozilla, të cilët janë prodhuesit e shfletuesve respektiv, Chrome, Safari e Firefox. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)