06 Dhjetor 2022

Kompjuteri Ipad doli në shitje

SHBA, 16 mars - Ka një të re të vogël sa i përket risisë më të fundit teknologjike të bosit të “Apple”, Steve Jobs. Kompjuteri më i fundit i kësaj kompanie iPad nuk do të ketë telekamerë të instaluar.

Prej 24 orësh amerikanët e blejnë në dyqanet online të Apple produktin më të ri teknologjik të saj. Produkti që aktualisht është hedhur në treg ka vetëm me sistem ndërlidhës wireless dhe nuk kanë lidhje me celular.

Ndërsa modelet e tjera që kanë të instaluar sistemin i3G do të dalin në shitje në fund të prillit veç të tjerash dhe në vendet të ndryshme të Evropës.

Ka dy mënyra për të blerë produktin. Ose porositet në dyqanet online të Apple dhe të vjen në shtëpi pa asnjë pagesë shtesë, ose porositet gjithnjë online, por tërhiqet nga dyqanet e Apple që prej 3 prillit.

Për SHBA-në çmimi bazë i lap-topit do të jetë 449 dollarë deri në 699 për versionin më të avancuar. Në Evropë çmimet nuk janë bërë ende të njohura.

Nga të rejat më të fundit thuhet se iPad do të ofrojë lehtësi të jashtëzakonshme për sa i përket leximit të librave online me programin e Apple, “iBooks”, i cili në versionet bazë duhet të shkarkohet pas blerjes së produktit, sepse nuk është i instaluar.

Janë shfaqur dhe problemet e para për sa i përket leximit të gazetave të përditshme. Edhe “Nju-Jork Tajms”, e cila ishte shprehur shumë entuziaste fillimisht për produktin, është tërhequr disi këto kohët e fundit, pasi ka pasur probleme me adaptimin e programit që do të lexojë lajmet e saj.

Gazeta pritet të hedhë lajmet për herë të parë për transmetim pas muajit prill. Deri tani gjërat po shkojnë shumë mirë për sa i përket shitjes së produktit. 20 mijë porosi në orë. Jo keq Steve Jobs.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)