01 Dhjetor 2022

Japonia do të investojë afro 500 milionë dollarë për prodhimin e çipave

Tokio, 11 nëntor - Japonia do të investojë afro 500 milionë dollarë për të rritur zhvillimin dhe prodhimin e gjysmëpërçuesve në një përpjekje që të kapë "shansin e fundit" që të mbajë pozitën e saj si lojtar kryesor në skenën globale të teknologjisë.

Sipas Ministrisë së Ekonomisë, Tregtisë dhe Industrisë së Japonisë, kompania e re Rapidus që do të thotë "i shpejtë" në latinisht, do të punojë në zhvillimin e gjysmëpërçuesve të gjeneratës së ardhshme ose "post-5G".

Këto çipa të avancuar do të mundësojnë vegla inteligjente dhe qytete inteligjente me sensorë dhe transmetim me shpejtësi të lartë. Komponentët duhet të jenë jashtëzakonisht të hollë - sa një qime.

Përpjekja prej 70 miliardë jenësh (490 milionë dollarë) do të përfshijë bashkëpunimin e ngushtë me aleatin kryesor të Japonisë, SHBA-në për të mbledhur "më të mirët dhe më të zgjuarit" nga të dy vendet, thuhet në deklaratën e ministrisë.

Japonia prej kohësh ka qenë krenare si fuqi teknologjike, përfshirë prodhimin e çipave, por ministria pranoi sot se Japonia kishte mbetur 10 vjet prapa konkurrencës globale, duke përfshirë SHBA-në, Korenë e Jugut, Tajvanin dhe disa vende evropiane.

Tani është "shansi i fundit i Japonisë" për të mbetur si lojtar në këtë sektor, thuhet më tej.

Mbylljet e fundit në Kinë në lidhje me pandeminë e COVID-19 kanë nxjerrë në pah varësinë e Japonisë nga vendet e tjera për çipat kompjuterikë dhe komponentët e tjerë të rëndësishëm. Analistët thonë se e ardhmja e pasigurt e marrëdhënieve SHBA-Kinë, e cila mund të vë në rrezik furnizimet nga Kina, shton edhe më tej shqetësimet.

Kompanitë e përfshira në Rapidus janë prodhuesi i automjeteve Toyota Motor Corp., prodhuesit e elektronikës Sony Group Corp. dhe NEC Corp., së bashku me SoftBank Corp., Nippon Telegraph dhe Telephone Corp., Denso Corp si dhe Kioxia.

Çipat e gjeneratës së ardhshme pritet të jenë vendimtare për inteligjencën artificiale dhe sistemet e drejtimit të automatizuar. Investimet në këtë lloj teknologjie do të çojë në vende pune dhe rritje, sipas qeverisë japoneze. 

Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Ministrja e Drejtësisë, Albulena Haxhiu zhvillon një vizitë në Agjencinë për Ndihmë Juridike Falas. (Objekti i Agjencisë, ora 13:00) 

- Forumi i Gruas i LDK-së mban konferencë për medie. Tema e konferencës është vrasjet e grave dhe nevoja urgjente për reagim institucional e shtetëror. (Selia qendrore e LDK-së, ora 13:00)

- Partia Demokratike e Kosovës mban sot konferencë për media. (Selia Qendrore e PDK-së, ora 14:00)

- Ministrja e Drejtësisë, Albulena Haxhiu zhvillon një vizitë në Strehimoren në Prizren. (Strehimorja në Prizren, ora 14:30)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)