25 Shtator 2022

Interesimi fillestar për iPad më i madh se për iPhone

SHBA, 25 shkurt - Sipas hulumtimit të kompanisë për hulumtimin e tregjeve RBC/ChangeWave, interesimi për blerjen e pajisjes iPad është më i madh sesa që ai ka qenë me rastin e paraqitjes së iPhone në vitin 2007.

Pak kohë pasi që iPhone kishte arritur në treg, tre për qind e të anketuarve kishin thënë se ishin të interesuar për të blerë këtë pajisje, derisa gjashtë për qind kishin thënë se janë deri diku të interesuar për iPhone. Sot, një muaj pas daljes në treg të iPad, katër për qind e të anketuarve janë shumë “të nxehtë” për ta blerë, derisa nëntë për qind janë deri diku të interesuar për këtë kompjuter tablet të kompanisë Apple.

Natyrisht, një prej arsyeve për këtë sigurisht është edhe fakti se iPhone para arritjes nëpër dyqane të shitjes ka qenë një produkt relativisht i panjohur, derisa sot është një prej telefonave më të popullarizuar në treg, nëse jo më i popullarizuari, që sigurisht nxit interesimin edhe për iPad.

Megjithatë, kur merret parasysh fakti se iPad krijon një kategori të re të pajisjeve dhe në asnjë mënyrë nuk është diçka pa të cilën nuk mundeni pa të (së paku ja tani për tani), këto rezultate dëshmojnë se shitja e iPad do të mund të niste tepër mbarë qysh nga fillimi.

Kalendari

Ngjarjet e datës 24 shtator 2022

- Federata Atletikës së Kosovës dhe Departamenti i Sporteve, organizon maratonën “Prishtina 2022”, në të cilën marrin pjesë mbi 500 garues. (Nisja bëhet nga Teatri Kombëtar, ora 9:00)

- Me qëllim të koordinimit ndër-institucional mes Qeverisë dhe Pushtetit Lokal mbahet takimi i përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministrin e Financave, Hekuran Murati, Ministren e Ekonomisë, Artane Rizvanolli dhe Kryetarët e Komunave me ç ‘rast do të diskutohet performanca buxhetore e Komunave dhe Investimet Kapitale, energjia, etj... (Hotel Dukagjini në Pejë, ora 10:00)

- Partia Demokratike e Kosovës mban Konventën Programore të Gruas Demokratike të Kosovës.  (Hotel Emerald, ora 10:00)  

- Lidhja Demokratike e Kosovës, Dega në Gjilan mban konventën e madhe programore. (Salla e Teatrit të Qytetit në Gjilan, ora ora 11:00)

- Koalicioni i OJQ–ve për Mbrojtjen e Fëmijëve në Kosovë bën prezantimin e instalacionit simbolik “Fëmijët në Shkolla”. (Sheshi “Skënderbeu” në Prishtinë, ora 12:00)
 
- Kryeministri i Republikës së Kosovës, Albin Kurti, bashkë me Zëvendëskryeministren për Çështje të Pakicave dhe të Drejtat e Njeriut, Emilija Redžepi, marrin pjesë në hapjen solemne të Qendrës Kulturore Boshnjake, me rastin e festimit të Ditës Kombëtare të Boshnjakëve. (Qendra Kulturore Boshnjake në Prizren, ora 14:00)