07 Shkurt 2023

Intel planifikon të ndërtojë dy fabrika të reja të prodhimit të çipave

Arizona, 24 mars - Një ndër kompanitë më të mëdha të prodhimit të mikroçipeve, Intel, ka njoftuar se po planifikon të ndërtojë dy fabrika të reja të prodhimit të çipave në shtetin Arizona të Shteteve të Bashkuara të Amerikës (SHBA) me një investim prej 20 miliardë dollarësh.

Në njoftimin e bërë nga kompania, CEO i Intel, Pat Gelsinger, ka njoftuar strategjinë "IDM 2.0" në drejtim të synim të prodhimit, inovacionit dhe lidershipit të produktit.

Më tej theksohet se Intel planifikon që të zgjerojë prodhimin, duke investuar 20 milliardë dollarë për ndërtimin e dy fabrikave të reja në Arizona.

Sipas njoftimit, me investimin në fjalë do të mundësohet punë teknologjie me rrogë të lartë për mbi 3.000 persona, për mbi 3.000 persona punë ndërtimtarie dhe rreth 15.000 persona punë afatgjatë.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)