29 Mars 2024

Identifikimi elektronik dhe digjitalizimi i shërbimeve postare me rëndësi primare

Prishtinë, 20 prill - Sot në Prishtinë u mbajt konferenca e organizuar nga programi ACCESS mbi sigurinë kibernetike, identifikimin elektronik dhe digjitalizimin e shërbimeve postare. Gjatë konferencës u prezentuan aktet nënligjore për e-IDAS (Electronic Identification and Authentication System / Sistemi Elektronik i Identifikimit dhe Autentifikimin) dhe Draft Ligji për Sigurinë e Rrjetit dhe Sistemit të Informacionit (Direktiva NIS), të hartuara këto nga Ministria e Ekonomisë me ndihmën e ekspertëve të ACCESS nga Universiteti i Danubit në Krems të Austrisë.

Draft Ligji për Sigurinë e Rrjetit dhe Sistemit të Informacionit u bazua nga kërkesat ligjore të NIS (Network Information Security) Direktives dhe tani u mbetet institucioneve shtetërore për aprovim dhe zbatim. Ligji për e-IDAS tani më ka hyrë në fuqi, dhe aktet nënligjiore, të prezentuara në konferencë, janë detyrimet e para që dalin nga ky ligj. Të dyja këto, si Direktiva NIS dhe e-IDAS, u cilësuan si një fillim i mbarë për transformimin digjital, sigurinë kibernetike, e-tregtinë dhe e-shërbimet në Kosovë.

Pjesë e kësaj konference po ashtu ishte prezantimi dhe punëtoria mbi Studimin e Fizibilitetit për Informatizimin e Shërbimeve Postare në Postën e Kosovës, i realizuar nga ekspertët e ACCESS nga Universiteti Teknik i Grazit. Në këtë punëtori u prezantuan gjetjet dhe rekomandimet e këtij studimi. U përmend që Posta e Kosovës SH.A. nuk është anëtare e UPU – Unioni Universal Postar apo të tjera si IPG apo EURODIS. Për momentin Posta e Kosovës në trafikun ndërkombëtar punon me qarkore të lëshuar nga UPU. Një sfidë kjo që duhet të zgjidhet deri në prill të vitit 2023. Po ashtu u përmend që Posta e Kosovës duhet të krijojë një strategji të qartë të digjitalizimit se si mund të rrisë besimin e qytetarëve dhe krahas biznesit të përditshëm me letra dhe pako, zinxhiri i vlerës duhet të zgjerohet për të zëvendësuar vëllimet në rënie për shkak të digjitalizimit në progres dhe konkurrencës në treg.

U ritheksua që modernizimi i gjithë infrastrukturës teknike është i domosdoshëm për t'i rikthyer besimin qytetarëve dhe me shërbimet e reja elektronike duke aplikuar standardet evropiane, Posta e Kosovës ka mundësinë të ndërveprojë në Kosovë dhe me vendet evropiane në një rritje profitabile.

Në konferencë ishin prezent përfaqësuesit e Ministrisë së Ekonomisë, ekspertë ndërkombëtarë dhe vendorë.

Projekti ACCESS ka për qëllim të lehtësojë transformimin digjital në sektorin privat dhe publik në Kosovë, financohet nga Agjencia Austriake për Zhvillim, bashkëfinancohet nga qeveria e Kosovës dhe implementohet nga ECIKS.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)