03 Shkurt 2023

Huawei shënon 16.5 për qind rënie të shitjes midis sanksioneve të SHBA-së

Pekin, 28 prill - Gjiganti kinez i teknologjisë Huawei njoftoi se të ardhurat e saj ranë në tremujorin e parë të vitit 2021.

Shitjet ranë me 16.5 për qind krahasuar me një vit më parë në 152.2 miliardë juan (23.5 miliardë dollarë) pjesërisht për shkak të uljes së të ardhurave për njësinë e saj të konsumatorit. Nuk solli fitime por marzhi i fitimit u përmirësua me 3.8 pikë përqindje në 11.1 për qind, tha kompania.

Huawei Technologies Ltd., marka e parë globale kineze e teknologjisë, po përpiqet të ruaj pjesën e saj globale të tregut pas sanksioneve të SHBA-së, të cilat shkatërruan shitjet e saj të telefonave të mençur, dikur ndër më të lartat në botë. Kompania është prodhuesi më i madh i pajisjeve të rrjetit që përdoren nga operatorët e telefonisë dhe internetit.

Washingtoni pretendon se kompania paraqet rrezik për sigurinë dhe mund të lehtësojë spiunazhin kinez, akuzë kjo e cila është mohuar nga Huawei.

Sanksionet ndalojnë qasjen në çipa dhe shërbime të procesorëve në SHBA, përfshirë Google-music dhe aplikacione të tjera të njohura. Huawei hartoi çipa të saj, por prodhuesit nuk i lejohet përdorimi i teknologjisë amerikane të nevojshme për prodhimin e tyre.

"2021 do të jetë një vit tjetër sfidues për ne, por është gjithashtu viti që strategjia jonë e zhvillimit të ardhshëm do të fillojë të marrë formë", tha Eric Xu, një nga tre drejtuesit e Huawei-t, në një deklaratë.

Huawei është përgjigjur duke theksuar shitjet e saj në Kinë dhe për automjetet elektrike dhe vetë-drejtuese, rrjetet industriale dhe teknologji të tjera që është më pak e ndikuar nga presioni i SHBA-së. Huawei ka një rezervë të çipave amerikane për telefona të mençur të nivelit të lartë, por drejtuesit kanë thënë se ato ishin duke u harxhuar.

Themeluesi i Huawei-t, Ren Zhengfei, sugjeroi në një letër për punonjësit që kompania mund të konsideronte që një nga njësitë e saj të biznesit të bashkohej në një bursë për herë të parë, njoftoi "The South China Morning Post" e Hong Kongut.

Ai në të kaluarën ka përjashtuar shitjen e aksioneve tek të huajt. Zhengfei tha se kjo do të shpërqendronte menaxhimin nga shërbimi ndaj klientëve dhe planeve afatgjata.

Huawei raportoi më herët rritjen e shitjeve të telefonave të saj, pajisjeve të rrjetit dhe teknologjisë tjetër me 3.8 për qind në vitin 2020 krahasuar me një vit më parë në 891.4 miliardë juanë (135.8 miliardë dollarë), por kjo rritje ishte më e ulët për 19.1 për qind krahasuar me vitin 2019.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)