12 Gusht 2022

Hakerët e sponsorizuar nga Rusia shënjestrojnë dhjetëra rrjete të shtetit amerikan

New York, 23 tetor - Hakerët e sponsorizuar nga shteti rus kanë pasur në shënjestër dhjetëra rrjete të shtetit amerikan dhe të qeverive lokale në javët e fundit dhe kanë vjedhur të dhëna nga së paku dy serverë, tha Qeveria e Shteteve të Bashkuara.

Byroja Federale e Hetimit (FBI) dhe Agjencia e Sigurisë Kibernetike dhe e Infrastrukturës thanë se aktivitetet e hakerëve të mbështetur nga Rusia, datojnë së paku nga fundi i shtatorit.

Agjencitë thanë se, deri më sot, nuk ka asnjë tregues se hakerët kanë çrregulluar aviacionin, arsimin, zgjedhjet apo operacionet qeveritare.

“Megjithatë, aktori mund të përpiqet të sigurojë qasje në opsione të ardhshme, për të ndikuar në politikat dhe veprimet e SHBA-së, ose për të delegjitimuar” shtetet dhe qeveritë lokale, thanë agjencitë.

Ato nuk përmendën se kush ose çfarë është vënë në shënjestër, por vetëm thanë se fushata ishte kundër “një shumëllojshmërie të gjerë të shënjestrave në SHBA”.

Sipas dy agjencive, hakerët, e identifikuar si Berserk Bear, Energetic Bear, Dragonfly e tjerë, kanë komprometuar me sukses infrastrukturën e rrjetit dhe kanë vjedhur të dhëna nga së paku dy serverë.

Paralajmërimi vjen më pak se dy javë para zgjedhjeve të 3 nëntorit në SHBA.

Shtetet e Bashkuara kanë thënë më herët se Rusia, e cila ka ndërhyrë në zgjedhjet e vitit 2016 në favor të zgjedhjes së Donald Trumpit president, po përpiqet të ndërhyjë sërish në zgjedhje.

Rusia i ka hedhur poshtë akuzat për ndërhyrje në zgjedhjet në SHBA.

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë kompaninë “Rroni Fer” Sh.P.K. (Magjistralja Gjakovë-Prizren_kilometri i dytë, Objekti i ish-ndërmarrjes “Metaliku”, Gjakovë, ora 14:30)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Mbahet edicioni i parë i festivalit “MAL FEST”, i cili synon të jetë tradicional dhe objektiv e ka rininë dhe mërgatën e Komunës së Malishevës. Festivali organizohet nga Komuna e Malishevës në bashkëpunim me  organizatën “Values for Better Future”.(parku i qytetit në Malishevë, ora 19:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)