05 Korrik 2022

Hakerat rusë tentojnë të vjedhin vaksinën ndaj koronavirusit

New York, 17 korrik - Organizatat që po punojnë për të zhvilluar një vaksinë në Britaninë e Madhe, Shtetet e Bashkuara të Amerikës dhe Kanada janë vënë nën shënjestrën e spiunëve rusë.

Qendra Kombëtare për Siguri Kibernetike në Mbretërinë e Bashkuar tha se është pothuajse e sigurt që hakerat po operojnë si pjesë e shërbimeve inteligjente ruse.

Në raportin britanik, nuk specifikohej se cila organizatë ishte shënjestruar ose nëse ishte vjedhur ndonjë informacion.

Sipas raportit, puna për kërkimin e vaksinës nuk është penguar nga hakerat.

Megjithatë Rusia ka mohuar të jetë përgjegjëse për këto raste.

“Ne nuk kemi informacion se kush mund të ketë hakuar në kompani farmaceutike dhe qendra kërkimin në Britaninë e Madhe. Një gjë e themi me siguri, Rusia nuk ka të bëjë fare me këto përpjekje”, tha Dmitry Peskov, një zëdhënës i Presidentit Vladimir Putin.

Mirëpo shqetësimi nuk është ngritur vetëm nga Britania, por edhe nga Institucioni kanadez për Komunikim dhe Siguri, Departamenti i SHBA-ve për Homeland Security dhe Agjencia e Sigurisë Kombëtare amerikane.

Një ekspert tha se me gjithë mohimet, Rusia është përfshirë në këto raste.

Sipas tij, grupi i përfshirë në këtë sulm identifikohet me emrin “Cozy Bear” dhe njihet për shkak të lidhjeve që ka me shtetin rus.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)