31 Janar 2023

Google tërheq Parler nga dyqani i aplikacioneve

New York, 9 janar - Kompania Google tha se ka tërhequr aplikacionin Parler nga dyqani i saj i aplikacioneve Play Store, pasi ky aplikacion ka lejuar "përmbajtjen" që mund të nxisë dhunë vdekjeprurëse si ajo e parë në Kongresin amerikan.

Rrjeti social Parler është bërë një strehë për personalitetet e ekstremit të djathtë të cilët thonë se janë censuruar nga platforma të tjera të mediave sociale.

"Ne jemi të vetëdijshëm për postimet e vazhdueshme në aplikacionin Parler që nxisin dhunë të vazhdueshme në SHBA", tha Google në një përgjigje për AFP.

"Që ne të shpërndajmë një aplikacion përmes Google Play, ne kërkojmë që aplikacionet të zbatojnë një mbikqyrje të fuqishme të përmbajtjes", shtoi kompania.

"Në dritën e këtij kërcënimi të vazhdueshëm dhe urgjent të sigurisë publike, ne jemi duke pezulluar aplikacionin nga Play Store derisa të adresojë këto çështje", tha Google.

Apple thuhet se ka paralajmëruar Parler se softueri i saj mund të hiqet nga App Store nëse nuk merr masa për të parandaluar përdoruesit nga planifikimi i veprimeve të paligjshme, të dhunshme në platformë siç është sulmi vdekjeprurës në Uashington.

Mbështetësit e pretendimeve të presidentit, Donald Trump për keqpërdorime të zgjedhjeve kanë migruar në faqe alternative të mediave sociale, të cilat nuk i kanë filtruar pretendimet e paverifikuara.

Aplikacionet Parler, Newsmax dhe Rumble, kanë refuzuar qasjen e Facebook dhe Twitter për etiketimin dhe kufizimin e teorive të konspiracionit.

Facebook dhe Twitter ndaluan llogaritë e presidentit amerikan, Donald Trump të premten për shkak të frikës se ai do t'i përdorte ato për të nxitur një sulm tjetër të tillë si ai në Kongresin e SHBA-së të mërkurën.

Faqet si Parler kanë tërhequr ligjvënësit republikanë si dhe pjesëtarë të fushatës së Trumpit.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00