04 Korrik 2022

FSK pjesë e garës ndërkombëtare të Mbrojtjes Kibernetike

Prishtinë, 18 maj - Në Fakultetin e Inxhinierisë Elektrike dhe Kompjuterike të Universitetit të Prishtinës, është mbajtur Gara Ndërkombëtare e Mbrojtjes Kibernetike 2022, në të cilën garë online kanë marrë pjesë ushtarakët e FSK-së, ushtarakët e  Gardës Kombëtare të Iowa-s, si dhe  studentët nga universitetet e Iowa-s dhe universitetet e Kosovës.

Përmes një video-mesazhi, Ministri i Mbrojtjes, Armend Mehaj, i është drejtuar studentëve nga universitetet e Kosovës dhe Iowa-s dhe si dhe ushtarakëve të FSK-së dhe Gardës Kombëtare të Iowa-s.

Me këtë rast, ai është shprehur se kjo ngjarje është e veçantë, jo vetëm për rëndësinë e bashkëpunimit tashmë vëllazëror mes dy shteteve tona, por edhe për shkak të rëndësisë së fushës së mbrojtjes kibernetike.

“Mirënjohjet dhe përgëzimet e mia më të thella për ushtarakët e Gardës Kombëtare të Iowa-s dhe atyre të FSK-së që mundësuan realizimin e këtij eventi të veçantë edhe në vendin tonë, pra Garën Ndërkombëtare të Mbrojtjes Kibernetike 2022”, tha ministri Mehaj.

Ai shtoi se një ndër synimet kryesore të tij,  me prioritet shumë të lartë, është zhvillimi dhe avancimi i aftësive dhe kapaciteteve të sigurisë dhe mbrojtjes kibernetike të FSK-së dhe në përgjithësi institucioneve tona, si aset edhe i sigurisë sonë kombëtare.  

Ministri Mehaj tha se konteksti i ri gjeopolitik dhe kërcënimet, rreziqet dhe sfidat aktuale të mjedisit të sigurisë, pas agresionit rus në Ukrainë, kërkojnë angazhimin e të gjithëve në parandalimin, reagimin dhe sanimin e pasojave të mundshme globale të sulmeve kibernetike nga Rusia dhe atyre rajonale nga aleati i saj Serbia.

Prandaj, ai kërkoi angazhim dhe seriozitet maksimal që kjo ngjarje të shfrytëzohet fuqishëm për shkëmbimin e shkathtësive profesionale për krijimin e platformave efikase për mbrojtje të sigurt kibernetike, nga çdo e papritur nga ana e armikut.

Ndërsa, zëvendësministri i Mbrojtjes, Shemsi Syla, tha se kjo  ngjarje është rezultat i një pune të madhe të vazhdueshme të shumë njerëzve, kuadrove dhe profesionistëve të shumtë  të fushës.

Ai tha se ky është fillimi i një bashkëpunimi të shkëlqyeshëm  dhe do të jetë një gurthemel i bashkëpunimit edhe në  të ardhmen.

Në fjalën e tij, Gjeneral brigade i FSK-së, Jeton Dreshaj, vlerësoi se nuk ka aktivitet më të rëndësishëm  për FSK-në se sa pjesëmarrja në ambientet e tilla akademike, ku bashkohen dija dhe ekspertiza, për tu aftësuar dhe për tu mbrojtur nga sulmet kibernetike.

Ndërsa, Komandanti i FSK-së, Gjenerallejtënant Bashkim Jashari, për shkak të vizitës ë tij zyrtare në SHBA, këtë ngjarje e përcolli nga vendi i ekipit garues të Gardës Kombëtare Iowa-s, përmes video-lidhjes direkte.  

Iowa dhe Kosova tashmë kanë hyrë në dekadën e dytë të partneritetit shtetëror, politik, ushtarak, ekonomik e kulturor.

Falë këtij bashkëpunimi, krahas plan programit  bilateral për ngritjen dhe avancimin e komponentës së sigurisë dhe Mbrojtjes kibernetike të FSK-së, tashmë po promovohet fuqishëm edhe bashkëpunimi akademik mes dy shteteve tona në nivel të universiteteve tona.

 

 

Kalendari

Ngjarjet e datës 4 korrik 2022

- Zëvendëskryeministri i Parë për Integrim Evropian, Zhvillim dhe Dialog, Besnik Bislimi pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 8:45)

 - Për nderë të 4 korrik 246 vjetori i Pavarsisë së SHBA zjarrfikësat e Prishtinës e pastrojnë platonë tek shtatorja e Presidentit Bill Clinton. (Sheshi Bill Clinton në Prishtinë, ora 9:00)

- Kryeministri i Republikës së Kosovës, Albin Kurti, pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 9:55

- Kryetarja e Dhomave të Specializuara Ekaterina Trendafilova do të mbajë takim me përfaqësues të shoqërisë civile në Gjilan, ku do të ndajë informacion rreth mandatit, punës dhe zhvillimeve aktuale në Dhomat e Specializuara të Kosovës si dhe do t’u përgjigjet pyetjeve të tyre. (Hotel  Astoria në Gjilan, ora 10:00)

- Shoqata 'Miqtë e Amerikës' e mbështetur nga FSK, Zjarrfikësat dhe Policia e Kosovës organzon aktivitetin e radhës tashmë tradicional për nderë të 4 korrik 246 vjetori i Pavarsisë së SHBA. (Të shtatorja e Presidentit Bill Clinton, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 13:00‪)
   
- UBT oganizon festivalin ndërkombëtar të dijes “Global UBT Fest 2022”, përmes së cilit në Kosovë po sjell profesionistë dhe ekspertë vendorë dhe ndërkombëtarë, duke organizuar samite, forume, gara, ligjërata tematike, vizita studimore, e ngjarje të ndryshme interesante për studentët dhe palët e tjera. (Parku Shkencor Inovativ të UBT-së në Lipjan, ora 18:00)