07 Shkurt 2023

Franca gjobit "Apple" me 1.1 miliard euro

Paris, 16 mars - Rregullatori Kombëtar i Konkurrencës në Francë njoftoi se ka gjobitur me 1.1 miliard euro gjigantin e teknologjisë "Apple" me arsyetimin se ka vepruar në kundërshtim me rregullat e konkurrencës.

Në një deklaratë nga Rregullatori i konkurrencës thuhet se "Apple ka bërë marrëveshje të jashtëligjshme duke përdorur rrjetin e saj të shpërndarjes dhe se ka abuzuar edhe 'varësinë ekonomike' të shpërndarësve të pavarur".

Si rezultat i hetimeve, Rregullatori i konkurrencës ka vendosur gjobën prej 1.1 miliard euro ndaj "Apple"-s si dhe gjobë prej 63 milionë euro ndaj "Tech Data" dhe 76 milionë eura ndaj "Ingram Micro" të cilat janë kompani për shitje me shumicë të "Apple"-s.

"Apple dhe dy kompanitë e saj të shumicës janë dakorduar të mos konkurojnë me njëra tjetrën si dhe të parandalojnë konkurimin mes njëra tjetrës të kompanive të tjera të shpërndarjes. Në këtë mënyrë produktet e 'Apple'-s kanë forcuar pozicionin e tyre në tregun e shumicës", thuhet në deklaratë.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)