31 Janar 2023

Ekipi i parë privat i astronautëve mbërrin në Stacionin e Hapësirës

Florida, 9 prill - Ekipi i parë plotësisht privat i astronautëve që shkon në Stacionin Ndërkombëtar të Hapësirës (ISS) mbërriti të shtunën në platformën kërkimore orbitale për një mision shkencor njëjavor që po konsiderohet si një moment historik në fluturimet komerciale në hapësirë.

Ekipi prej katër personash mbërrriti 21 orë pas nisjes nga Qendra Hapësinore Kennedy e NASA-s.

Ekipi që përfaqëson kompaninë e re me bazë në Hjuston, Axiom Space, Inc, fluturoi në një kapsulë Crew Dragon mbi një raketë Falcon 9 të lëshuar nga SpaceX.

Ankorimi në Stacionin e Hapësirës u vonua pak nga një defekt teknik që ndërpreu transmetimin në video të përdorur për të monitoruar mbërritjen e kapsulës Crew Dragon. Raketa që mbartte kapsulën u desh të ndalonte dhe të qëndronte 20 metra larg stacionit për rreth 45 minuta ndërsa komanda e kontrollit të misionit, riparonte problemin.

Ekipi i Axiom-it që planifikon të kalojë tetë ditë në orbitë, drejtohet nga astronauti në pension i NASA-s me origjinë spanjolle, Michael Lopez-Alegria, 63 vjeç, nënpresident i kompanisë për zhvillimin e biznesit.

Piloti i misionit është Larry Connor, në të 70-at, një sipërmarrës i pasurive të paluajtshme dhe teknologjisë dhe aviator nga Ohio.

Pjesëtarët e tjerë të ekuipazhit janë investitori, filantropi dhe ish-piloti ushtarak izraelit Eytan Stibbe, 64 vjeç dhe biznesmeni dhe filantropisti kanadez Mark Pathy, 52 vjeç, që shërbejnë si specialistë të misionit.

Stibbe u bë izraeliti i dytë që fluturon në hapësirë, pas Ilan Ramonit, i cili vdiq me gjashtë anëtarë të ekuipazhit të NASA-s në katastrofën e anijes hapësinore Columbia të vitit 2003.

Ata do t’u bashkohen shtatë astronautëve që janë aktualisht në Stacionin Ndërkombëtar të Hapësirës, tre amerikanë, një astronaut gjerman nga Agjencia Evropiane e Hapësirës dhe tre kozmonautë rusë.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00