Florida, 20 prill - Anija e hapësirës Discovery do të kalojë edhe një ditë tjetër në orbitë, ngaqë moti me re në Qendrën e Hapësirës Kennedi në Florida e ka detyruar NASA-n ta shtyjë zbritjen në Tokë, që e kishte planifikuar për sot.

Agjencia amerikane e hapësirës tha se shpreson që Discovery të kthehet nesër në mëngjes.

Gjatë misionit dy-javor të anijes, anëtarët e ekuipazhit kryen tri ecje në hapësirë, gjatë të cilave instaluan një rezervuar me amoniak për sistemet ftohëse të stacionit, zëvendësimin e një xhiroskopi dhe shkëputjen e një laboratori japonez eksperimentimi nga stacioni.

Anija gjithashtu dërgoi me këtë mision shtretër të rinj për të fjetur astronautët dhe 4 rafte për përdorim gjatë eksperimeteve. NASA e shtyu një ditë misionin për të kryer inspektimin rutinë të paneleve që mbrojnë anijen nga nxehtësia.