09 Shkurt 2023

BE regjistroi një rënie prej 7 për qind në shitjet e produkteve të teknologjisë

Bruksel, 14 shtator - Bashkimi Evropian regjistroi një rënie prej 7 për qind në shitjet e produkteve të teknologjisë së lartë në vitin 2020 për të arritur në 311 miliardë euro, njoftoi departamenti statistikor i bllokut.

Pavarësisht nga kjo rënie, shitja e prodhimeve të këtyre produkteve ishte në rritje që nga viti 2010, me një mesatare vjetore prej 2,9 për qind, sipas Eurostatit.

Ndër produktet e teknologjisë së lartë të shitura nga vendet e BE-së në vitin 2020, sektori i farmacisë përbën pjesën kryesore me 97 miliardë euro.

"Midis viteve 2010 dhe 2020, farmacia regjistroi normën mesatare më të lartë të rritjes vjetore për prodhimin e produkteve të teknologjisë së lartë (+11,7 për qind)", thekson raporti i Eurostatit.

Telekomunikacioni elektronik, instrumentet shkencore, aviacioni, kompjuterët dhe makinat e zyrës, kimia, makineritë joelektrike, makineritë elektrike dhe armatimi radhiten pas sektorit të farmacisë.

"Në anën tjetër, prodhimi i produkteve të teknologjisë së lartë shënoi rënie në kimi (-0,6 për qind), kompjuterë dhe makina zyre (-0,7 për qind), elektronikë-telekomunikacion (-1,3 për qind) dhe makineri joelektrike (-3,1 për qind)", shtohet më tej.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)