Bruksel, 6 mars - Bashkimi Evropian planifikon dërgimin në hapësirë të 30 satelitëve dhe të revolucionojë kështu teknikën e navigimit.

Galileo pritet të jetë më i mirë se sistemi amerikan GPS, por skeptikët kritikojnë kostot shumë të larta për taksapaguesit evropianë.

Komisioni i BE-së ftoi në një paraqitje të sistemit në Bruksel me qëllim vënien në pah të përparësive të Galileos ndaj konkurrentit amerikan GPS.

Komisari i BE-së për industrinë, Antonio Tajani, shpjegon: "Ne duam të prezantojmë aplikimet në praktikë të Galileos, me të cilat do të fitojmë miliona e miliona euro."

Kostoja e parashikuar aktualisht nga BE-ja është 3,4 miliardë euro. Por europarlamentari Norbert Glante thotë se kjo shumë është e pamjaftueshme:

"Shuma është llogaritur shumë ngushtë. Me këto para mund të vendosim në orbitë një strukturë bazë prej 18 satelitësh, por jo 30 siç parashikohet.

" Por edhe me më pak satelitë do të ishte i mundur një navigim i saktë deri në centimetra. Nga viti 2014 qytetarët evropianë mund të përfitojnë nga Galileo. Atëherë një traktor mund të parkonte përpara ndërtesës së Komisionit të BE-së edhe pa shofer.