07 Shkurt 2023

Amazon do të blejë kompaninë mediatike MGM për 8,45 miliardë dollarë

New York, 26 maj - Amazon njoftoi se ka hyrë në një marrëveshje përfundimtare të bashkimit për të blerë kompaninë mediatike amerikane Metro-Goldwyn-Mayer (MGM) për 8,45 miliardë dollarë.

Firma amerikane e tregtisë elektronike dëshiron të përfitojë nga ekspertiza dhe katalogu i filmave të MGM-së me 4.000 filma dhe 17.000 shfaqje televizive, përfshirë James Bond-in, Fargo dhe Vikings, për të mbështetur sektorin e saj të filmit dhe televizionit, tha kompania në një deklaratë.

Ndërsa biznesi i transmetimit të videove është bërë më konkurrues gjatë pandemisë së koronavirusit për shkak të karantinave, Amazon po përpiqet të sfidojë Netflix-in dhe të konkurrojë me Disney-n, gjersa synon të fitojë më shumë abonentë përmes bibliotekave më të pasura dhe përmbajtjes së re.

"Vlera e vërtetë financiare pas kësaj marrëveshje është thesari i pronës intelektuale në katalogun e thellë që ne planifikojmë ta rimagjinojmë dhe ta zhvillojmë së bashku me ekipin e talentuar të MGM-së", tha në deklaratë Zëvendëspresidenti i Lartë i Prime Video dhe Amazon Studios, Mike Hopkins.

Kryetari i MGM-së, Kevin Ulrich tha: "Mundësia për të rreshtuar historinë e grumbulluar të MGM-së me Amazon-in është një kombinim frymëzues".

E themeluar në vitin 1924, MGM është një nga studiot më të vjetra të filmit në Hollywood, kryesisht e përfshirë në prodhimin dhe shpërndarjen e filmave artistikë dhe programeve televizive.

Marrëveshja shënon blerjen e dytë më të madhe të Amazon-it në historinë e kompanisë pas blerjes së saj prej 13,7 miliardë dollarësh të zinxhirit të supermarketeve amerikane Whole Foods në vitin 2017.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)