31 Janar 2023

Adoloshentët krijojnë projekte inovaive në kuadër të garës Sfida e Dizajnit

Prishtinë, 17 mars - Programi i USAID-it After School Support for Teens (ASSET) / Përkrahje Adoleshentëve pas Mësimit të Rregullt  në bashkëpunim me Fondacionin IPKO organizojnë ceremoninë e ndarjes së çmimeve për garën “Sfida e Dizajnit 2022”.

Këshilltarja për Arsim Profesional e Ministres për Arsim, Shkencë, Teknologji dhe Inovacion, znj. Majlinda Rizvanolli dhe Zyrtari për sektorin privat nga Agjencioni i Shteteve të Bashkuara për Zhvillim Ndërkombëtar Methju Kulinane do të marrin pjesë në këtë ceremoni.

Qëllimi i sfidës së këtij viti ishte të nxiste të rinjë nga shkolla  të mesme të larta të Kosovës të punojnë në ekipe dhe të përdorin shkathtësitë e tyre kreative dhe të zgjidhjes së problemeve për  pesë sfidat si: Krijimi i videove të karrierës; Krijimi i pajisjes për matjen e nivelit të zhurmës; Krijimi i pajisjes për kursimin e energjisë elektrike; Krijimi i fermës së mençur për rritjen e bimëve dhe Zgjidhja e një problemi në shkollë.

Nxënësve u është kërkuar të krijonin pajisje bashkëkohore që synojnë të ndihmojnë komunitetin në të cilin ata jetojnë.

Në vitin e 4-të të organizimit të kësaj gare gjithsej 20 shkolla nga e gjithë Kosova dorëzuan 39 projekte.

Programi në bashkëpunim me Fondacionin IPKO organizon një ekspozitë të projekteve fituese dhe ceremoninë e ndarjeve të çmimeve për këto shkolla.

Në ceremoni do të jenë  nxënësit, mësimdhënësit, pjesëtarët e panelit vlerësues dhe organizatat partnere.

Çmimet përbëhen nga një trofe, certifikatë dhe kupon në vlerë monetare që shkolla mund ta shfrytëzojë për të blerë paisje dhe materiale të nevojshme për punë praktike.

Në ngjarje do të ofrohen edhe disa çmime speciale për ekipet fituese nga partnerët e Programit.

Gara “Sfida e Dizajnit” është organizuar për katër vite me radhë dhe ka përfshirë rreth 700 nxënës nga shkollat e mesme të larta publike të Kosovës të cilët kanë dorëzuar rreth 150 projekte të ndryshme.

Programi “Përkrahje Adoleshentëve pas Mësimit të Rregullt” financohet nga USAID dhe zbatohet nga Qendra për Arsim e Kosovës (KEC) në partneritet me FHI360 dhe Crimson Capital Corp.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00