07 Shkurt 2023

Yllka Jashari dhe Agnesa Koxha në mesin e 17 'Shpresave Olimpike'

Prishtinë, 1 shkurt - Komiteti Olimpik i Kosovës, me rekomandim të komisionit të sportit, ka shpallur listën me 17 'Shpresat Olimpike' për vitin 2022, ku janë përfshirë edhe dy lojtaret më të suksesshme të 'Beach Volley', Jashari dhe Koxha.

Përzgjedhja është bërë bazuar në rezultatet e tyre, gjithëpërfshirjen dhe univerzalitetin.

Kjo dyshe ka treguar formë brilante gjatë vitit të kaluar ku u shpallën kampione të Kosovës U20 dhe të Ballkanit në të njejtën grupmoshë.

Përndryshe, Jashari dhe Koxha - si pjesë e listës së 'Shpresave Olimpike' - do të ndihmohen me nga një pagë mujore prej 150 eurove për secilen, gjatë këtij viti.
 
Federata e Volejbollit të Kosovës i uron dy volejbollisteve një vit edhe më të suksesshëm në përmbushjen e objektivëve tjerë në karrierë, duke i premtuar përkrahje të vazhdueshme

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)