07 Maj 2021

Tottenham Hotspur shkarkon trajnerin Jose Mourinho

Londër, 19 prill - Klubi anglez i futbolli, Tottenham Hotspur ka shkarkuar trajnerin e tij portugez Jose Mourinho.

"Klubi njofton se Jose Mourinho dhe stafi i tij i trajnerëve Joao Sacramento, Nuno Santos, Carlos Lalin dhe Giovanni Cerra janë liruar nga detyrat e tyre", njoftoi Tottenham.

Tottenham nuk përmendi asnjë arsye për shkarkimin e Mourinhos. Klubi shtoi se Ryan Mason do të marrë ekipin në seancën stërvitore të së hënës.

Mourinho, 58-vjeç, u emërua trajner i Tottenhamit në vitin 2019.

Ndërkohë, presidenti i Tottenhamit Daniel Levy falënderoi Mourinhon dhe stafin e tij për përpjekjet e tyre gjatë pandemisë së koronavirusit, një periudhë sfiduese për Spurs.

"Jose është një profesionist i vërtetë i cili tregoi rezistencë të jashtëzakonshme gjatë pandemisë. Në nivel personal, më ka pëlqyer të punoj me të dhe pendohem që gjërat nuk kanë ecur siç kemi parashikuar të dy. Ai do të jetë gjithmonë i mirëpritur këtu dhe dëshirojmë të falënderojë atë dhe stafin e tij stërvitor për kontributin e tyre", tha Levy.

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)