26 Shtator 2021

Ronaldo me dy golat ndaj Irlandës thyen rekordin e të gjitha kohërave

Manchester, 2 shtator - Superylli i futbollit Cristiano Ronaldo theu rekordin e të gjitha kohërave në shënimin e golave ndërkombëtarë të mërkurën pasi shënoi golin e tij të 110-të për Portugalinë dhe tejkaloi rekordin në po këtë ndeshje, duke shënuar edhe një gol.

Lojtari i ri i Manchester Unitedit, 36-vjeçari Ronaldo, shënoi dy gola ndaj Irlandës në ndeshjen e grupeve kualifikuese për Kupën e Botës FIFA 2022, të cilën Portugalia e fitoi me rezultatin 2:1 në "Faro-Loule".

Kapiteni i kombëtares vendosi rekordin në minutën e 89-të, duke shënuar golin e tij të 110-të për Portugalinë.

Ai tejkaloi sulmuesin e dikurshëm të Iranit, Ali Daei, i cili shënoi 109 gola për kombëtaren e tij midis viteve 1993 dhe 2006.

Ronaldo më parë barazoi rekordin e Daei-t në EURO 2020 këtë verë.

Ai pastaj e tejkaloi rekordin e tij në ndeshjen e së mërkurës me Irlandën në 111 gola, duke shënuar edhe një herë në kohën shtesë.

Ronaldo tani ka 111 gola në 180 ndeshje ndërkombëtare për Portugalinë.

Kalendari

Ngjarjet e datës 26 Shtator 2021

- Kryetari i Komunës së Prizrenit, Mytaher Haskuka do të merr pjesë në edicionin e tretë "Race for the Cure" të organizuar nga shoqata e pacientëve të kancerit të gjirit Renesansa. (Ura e Arastës, ora 10:00)

- Federata e Pingpongut organizohen 2 xhirot e radhës në Superligën e Meshkujve dhe 2 xhiro në Superligen e femrave. (Shkolla 'Motrat Qiriazi' në Prizren, ora 10:00)

- Mbahet edicioni i trete i Race for the Cure Kosova 2021, në Prizren. (Sheshi i Lidhjes se Przrenit, ora 10:00)

 

- Kryetari i Kuvendit të Republikës së Kosovës, Glauk Konjofca, bën homazhe në Abri të Epërme, në 23-vjetorin e masakrës së kryer nga forcat serbe në këtë fshat. (Abri e Epërme, ora 14:30)