06 Dhjetor 2021

Reali përgatit lamtumirën e Sergio Ramos

Madrid, 8 qershor - Reali i Madridit përgatit lamtumirën e Sergio Ramos pas 16 vitesh. Pavarësisht diskutimeve të gjata mes palëve për rinovimin e kontratës e cila i skadon në 30 qershor, akordi nuk është arritur me Ramos që ka refuzuar ofertat e deritanishme të Los Blancos.

Kapiteni nuk është dakort me kushtet që i ofron Reali dhe në orët e ardhshme pritet të komunikohet edhe largimi përfundimtar i 35-vjeçarit nga madrilenët.

Sipas raportimeve që vinë nga mediat spanjolle, Reali po i përgatit një lamtumirë të ngrohtë me Ramos që do të largohet si një legjendë. Gjatë 16 sezoneve që ka qenë pjesë e klubit madrilen, Sergio Ramos ka fituar 22 trofe me Los Blancos.

Sergio Ramos gjithsesi do të presë deri në momentet e fundit një ofertë të përmirësuar ekonomikisht nga Reali, por gjasat janë që ajo nuk do të vijë dhe mbrojtësi duhet të mendojë një destinacion të ri për të vijuar karrierën.

Kalendari

Ngjarjet e datës 6 dhjetor 2021

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Shërbimi Korrektues i Kosovës organizon ceremoninë e njëzetedyvjetorit të themelimit të  Shërbimit Korrektues të Kosovës. (Objekti i ish-Pallatit të Shtypit, “Rilindja”, Amfiteatri i Madh, ora 11:00)

- Mbahet ceremonia e pranim dorëzimit të detyrës të Kryetarit të Komunës së Prizrenit, Shaqir Totaj. (Shtëpia e Bardhë, ora 11:00)

- Komuna e Prishtinës prezenton hulumtimin “Vlerësimi i nevojave të familjeve të skemes sociale”, qëllimi i të cilit është paraqitja e një pasqyre të qartë të gjendjes sociale reale në Prishtinë, dhe ndërtimi i politikave për përmirësimin e gjendjes aty ku ka nevojë. (objekti i vjetër i Komunës së Prishtinës, ora 11:30)

- Gupi i iniciatives “Dikur ja sheh hajrin” të udhëhequr nga të rinjtë e Gjakovës organizojnë aktivitet sensibilizues për mungesën e hapësirave për të rinjtë në komunën e Gjakovës. (Gjakovë, ora 12:30)

- Hapet ekspozita me dokumente arkivore dhe fotografi ekskluzive nga jeta dhe vepra e Hasan Prishtinës. (Biblioteka Kombëtare, ora 15:00)

- Mbahet mbledhja e parë inaguruese e Kuvenit të Komunës së Istogut. (Salla e Kuvendit të Komunës së Istogut, ora 16:00)

- Promovohet libri “200 Këngë nga opusi muzikor i kantautorit Ilir Shaqiri” me autor Korab Shaqiri. (Salla e Përurimeve në librarinë Dukagjini në Prishtinë, ora 18:00)