17 Janar 2022

Real preket nga koronavirusu, Isco dhe Alaba rezultojnë pozitivë

Madrid, 22 dhjetor - Klubi i futbollit Real Madrid është ndikuar nga rastet me COVID-19 ndërsa Isco dhe David Alaba janë lojtarët e fundit që u infektuan nga virusi.

“Real Madrid C. F. konfirmon se lojtarët tanë Isco dhe David Alaba kanë rezultuar pozitivë me COVID-19”, thuhet në një deklaratë të klubit spanjoll.

Mesfushori spanjoll Isco ka luajtur për Real Madridin që nga viti 2013. Mbrojtësi austriak Alaba u largua nga Bayern Mynihu për t'iu bashkuar Real Madridit si një transferim i lirë në korrik.

Real Madrid raportoi javën e kaluar se disa lojtarë dhe personel të stafit ishin prekur nga virusi.

Mesfushori kroat i Realit, Luka Modriç dhe mbrojtësi i majtë brazilian Marcelo rezultuan pozitivë.

Mesfushori spanjoll Marco Asensio, anësori uellsian Gareth Bale, portieri ukrainas Andriy Lunin dhe anësori brazilian Rodrygo rezultuan pozitivë të enjten.

Ndihmës trajneri Davide Ancelotti kishte kontraktuar më parë virusin vdekjeprurës.

Kalendari

Ngjarjet e datës 17 janar 2022

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projekt-Kodin e Procedurës Penale dhe projektligjin për bashkëpunim juridik ndërkombëtar në çështjet civile. (Ndërtesa e Kuvendit, salla N506, ora 9:00)

- Instituti Demokratik i Kosovës organizon tryezën më temë “Shpenzimet e parasë publike në kategorinë e subvencioneve dhe investimeve kapitale gjatë mandatit qeverisës 2018-2021”. (Hotel Sirius, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Universiteti Publik “Kadri Zeka” në Gjilan,  do të shënojë Janarin e Përflakur më çrast do të mbahet tribunë e hapur në të cilën do të ketë dy ligjërata "Flakadanët e lirisë" dhe Jusuf Gërvalla - Atdhetari dhe krijuesi. (Amfiteatrin i Universiteti të Gjilanit, ora 11:00)  

- Partia Socialdemokrate do të mbaj konferencë për media lidhur me projektligjin për inspektime të propozuar nga Qeveria e Kosovës. (Zyra e PSD-së, në rrugën Bajram Kelmendi, ora 13:00)

- Në kuadër të manifiestimit 'Flaka e Janarit' mbahet akademie e Flakës 2022. (Teatri i qytetit të Gjilanit, ora 17:00)

 

- Në 40 vjetorin e vrasjes së Jusuf e Bardhosh Gërvallës dhe Kadri Zekës, shkëlqesia e Tij, Albin Kurti, Kryeministër i Republikës së Kosovës, organizon Akademinë Përkujtimore në nderim të tre veprimtarëve të shquar të çështjes kombëtare. (Salla e Kuqe, Pallati i Rinisë dhe Sporteve, Prishtinë, ora 17:00)

- Hapet ekspozita kolektive e artit pamor. (Galeria e qytetit të Gjilanit, ora 19:00)