03 Shkurt 2023

PSG, Chelsea dhe Tottenham në garë për Franck Kessie

Londër, 9 shtator - Franck Kessie vijon të refuzojë rinovimin e kontratës me Milanin, pasi ka kërkuar një pagë shumë më të lartë se ajo që i ofrojnë kuqezinjtë, ndaj Maldini e Massara po mendojnë të shesin mesfushorin që në merkaton e janarit.

Ofertat në drejtim të tij nuk mungojnë deh përveç Paris Saint Germain, së fundi në garë janë përfshirë edhe klubet e kampionatit anglez si Chelsea e Tottenham, të cilat janë gati jo vetëm të kënaqin pretendimet e mesfushorit, por edhe të paguajnë një shifër simbolike për kuqezinjtë gjatë muajit janar.

Sipas mediave italiane, të dy klubet londineze kanë nisur negociatat me menaxherin e futbollistit nga Bregu i Fildishtë dhe janë treguar të gatshëm të plotësojnë pretendimet e tij ekonomike për verën e ardhshme.

Megjithatë duke qenë se gara është bërë e fortë dhe Milani mund të veprojë me “dorë të hekurt” duke e dërguar Kessie në tribunë, atëherë Chelsea dhe Tottenham mund të tregojnë gatishmërinë për të paguar rreth 10-15 milionë euro, për ta marrë futbollistin që në muajin janar.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)