31 Janar 2023

Olimpiada e vitit 2032 do të zhvillohet në Australi

Tokio, 22 korrik - Olimpiada dhe Paraolimpiada e vitit 2032 do të zhvillohet në Brisbane, në Australi.

Ishte një zgjidhje e pritshme, duke qenë se qyteti australian ishte i vetmi kandidat për mikpritjen e këtij edicioni, por pas sesionit të 138 të Komitetit Olimpik Ndërkombëtar, të mbajtur në Tokio erdhi dhe lajmërimi zyrtar.

“E dimë se çfarë shërben për t’iu ofruar Lojërave suksesin”, ju tha nëpërnmjet një lidhjeje video kryeministri australian Scott Morrison anëtarëve të Komitetit Olimpik Ndërkombëtar.

Australia do të mikpresë në këtë mënyrë Lojërat Olimpike për herë të tretë në histori, pas Melbourne 1956 dhe 32 vjet pas Sidney 2000 vjen Brisbane 2032.

Një zgjedhje që ndryshon edhe sezonin e Lojërave duke qenë se për Olimpiadën e 35-të do të garohet gjatë dimrit, dhe jo në verë siç ndodh tani në Hemisferën e Veriut. I kuptueshëm entuziazmi i delegatëve australianë që ndodhen në Tokio. “Është një kënaqësi e jashtëzakonshyme ,- deklaroi Richard Colbec dhe Adrian Schrinner,- po punojmë prej shumë vitesh për këtë projekt, dhe sot për ne është si të prekim qiellin me dorë.

Ne kemi gati shumë struktura dhe të tjera do të realizohen. Por duke patur parasysh edhe buxhetin tonë besoj se zgjedhja e Brisbane është e duhura pasi i kemi bërë mirë llogaritë dhe kemi një buxhet në linjë me mundësitë tona. E dime se me çfarë vështirësish përballemi por jemi gati”.
 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00