04 Shkurt 2023

Në Mitrovicë shënohet Dita Olimpike e Kosovës

Mitrovicë, 23 qershor - Më shumë se 100 filloristë nga disa shkolla të qytetit të Mitrovicës, të lindur në vitin e shpalljes së Pavarësisë së Kosovës, kanë marrë pjesë në vrapimin e mbajtur në shënim të Ditës Olimpike të Kosovës, që u organizua sot në Mitrovicë nga Komiteti Olimpik i Kosovës së bashku me Komunën e Mitrovicës.

Në këtë aktivitet i pranishëm ishte kryetari i komunës, Agim Bahtiri, drejtori i Arsimit, Skender Avdiu, mësimdhënës të shkollave fillore si dhe pjesëmarrës të tjerë.

Me këtë rast kryetari i komunës, Agim Bahtiri, pasi ka përshëndetur të gjithë nxënësit e kësaj gare tha se komuna e Mitrovicës është duke punuar mjaft shumë në promovimin e sporteve dhe mbështetjen e aktiviteteve sportive në territorin e saj, sepse të rinjtë, sporti dhe kultura janë promovuesit më të mirë të paqes në botë.

Në fund u ndanë edhe medale për garuesit e vegjël në dy kategori, për meshkuj dhe femra. Në kategorinë e meshkujve medale morën, Rron Karakashi, Ensar Bajrami dhe Nderim Sahiti. Ndërkaq, në kategorinë e femrave me medale u shpërblyen, Alketa Hajrizi, Jeta Muzliukaj dhe Erika Mustafa.

Ndryshe, vrapimi që u organizua nga Komiteti Olimpik i Kosovës në bashkëpunim me DKRS-në dhe Drejtorinë e Arsimit të komunës së Mitrovicës, u mbajt nga sheshi “Adem Jashari”, përgjatë sheshit “Mehë Uka” dhe deri tek sheshi “Isa Boletini".


 


 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)