19 Qershor 2021

Mourinho e kërkon Eden Hazard te Roma

Romë, 26 maj - Jose Mourinho kërkon të punojë sërish me Eden Hazard.

Mediat italiane bëjnë me dije se sulmuesi belg i cili nuk është përshtatur te Reali i Madridit në këto dy sezone kjo për shkak edhe të dëmtimeve të shumta u ka kërkuar drejtuesve të Los Blancos ta lejojnë të largohet për të rigjetur formën optimale dhe opsioni më i mirë për Hazard është kalimi te Roma aty ku Jose Mourinho do ta priste krahëhapur.

Gjithsesi Roma mund t’ia lejojë vetes ta marrë Hazard vetëm në formë huazimi dhe t’i paguajë një pjesë të pagës prej 15 milionë eurosh në sezon dhe mbetet për t’u parë nëse Reali i Madridit do ta pranojë largimin e Hazard me një formulë të tillë.

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)